დუდბუტკა

ჩეჩენისთანიში მაჟურანი ჯიჰადი

ჩეჩენისთანიში მაჟურანი ჯიჰადი, 1999 წანაში გიმუაშ თუთას რუსიაში სილახონი მენჯელეფექ ჩეჩენისთანის ხე ნა გედვეს შენი გეოჭკუ. 1996 წანაში მარიაშინაშ თუთას ჰასავჲურთის ნა იხვენუ აქტიშ კულე 12 ფუქრიკა 1997-ს ჩეჩენეფექ რუსეფე კალა აღანი არჩქვა აქტი ყვეს. მარა ნა გეიღარინუ აქტეფეს, რუსიაქ შარტეფე მუშიშა რიაჲეთი ნა ვარ ყუ შენი ჩეჩენისთანიში პრობლემა ვარ აჩოდინუ. 1994- 1996 წანაფეშ ჩეჩენისთანიში მაართანი ჯიჰადიშ ორას ნა ითაჰრიბინუ ჩეჩენისთანი აღანშე ოწოფხუ ნა ქადუ რუსიაქ, მასხადოვიქ ჶედერასიონიში აქტი ოხვენუშა რაზი ვარ იყუში ნენა მუშიშენ უკუნიქთუ. ჩეჩენისთანიში ისთიქრარი ოხორცელუ შენი ეკონომიკურ დო პოლიტიკუროთ ნა ვარ ნუმხვაჯუ მოსკოვაქ, ჩეჩენისთანიში მუვაზენეშ ოკოხვუში პოლიტიკას ქოგეჭკუ. ჩოდინუროთ, მასხადოვიში ოქთალას ჩეჩენეფექ, მოსკოვაქ ჩეჩენისთანიშენ ნა გამახთერეტუ დო ჩეჩენისთანიქ დეჶაქტო თიმოშლეთინობა ნა მოგერეტუ 1997- 1999 წანაფეშ შქას პოლიტიკური კიდალაფე მუში ვარ გეადგინუ დო უმუვაზენობას ქოდოლოლუ.

ამ ორაფეს დაღისთანის აღანი ოხონკანაფე ჲეჩქინდუ. დაღისთანიში სინორიშ ოფუტეფეს ნა სქიდუნან ჩეჩენეფეშა ნოტკვაცინუქ შამილ ბასაჲევ დო ჩეჩენი მუჯაჰიდეფეში ნამთინეფეშ დაღისთანიშა მეკახთიმუშა დო მუსლიმანეფეშა ნა ნუმხვაჯასუნონ არ ოღოდაშა ნუსებებუ. ართნერი პროსესი მოსკოვაშ კელენ ჶურსატი ჲადო იხმარინუ. ჩეჩენისთანიში თიმოშლეთინობაშა ნა ნოდგითუტუ დო ჩეჩენისთანის ხე გედვუ შენი ჶურსატი ნა ჩუმერტუ მოსკოვაქ, 11 გიმუა 1999-ს დაღისთანის თიეწაზდალა ნა გეოჭკაფუ კოჩეფე ჩეჩენეფე რენან ჲადო მაანა ყუ დო იშგალიში მენჯელეფე ხოლო ჩეჩენისთანიშა ქამოჩქვუ. ამ ორაფეს, მოსკოვას დო ნამთინი დიდი ნოღაფეს რუსიაში მუხბირეფეშ კელენ ნა იპლანუ ობომბინუფეშ მესულითი ჩეჩენეფე რენან ჲადო იგნაფინუ დო იშგალი ოღოდუშა მაანა იხვენუ.

ემ ორას რუსიაში დუდნაზირი ნა რტუ ვლადიმირ პუტინიქ, ჩეჩენისთანი რუსიაში ლეტა რენ დო ნა მინონან სთერი ხე გემადვენან ჲა თქუ. ჰალბუქი რუსიაქ 1996 წანაში ჰასავჲურთიშ აქტითე ჩეჩენისთანიში თიმოშლეთინობა დიკაბულერეტუ. ემუშენი რუსიაქ, ჩეჩენისთანიშა ასქერი ამაყონუთე ჰემი ოირქიანური აქტეფე დო ჰემითი ჩეჩენისთანი კალა ხვენერი აქტი ოკოხუ. რუსიაქ ამ სეჶერის სივილეფეშ ოღურინუ შენი ცაშენ ობომბინუს ქოგეოჭკუ. ობომბინუ დიდო ქესიჶი დო მჩირე კორთას ნა იხვენეტუ შენი კოჩეფექ დობადონა მუთეფეშიშენ ჲიბარგეს დო დიდოთე ინგუშია დო ხოლო დაღისთანი, ოსეთია, აზერბაჲჯანი დო ოქორთულე სთერი დობადონაფეშა დიხიჯრეთეს. ჩეჩენეფე კალა დირექტოთ ოკონაგუ ნა ვარ უნტუ რუსიაქ, სივილეფეშ ობომბინუქ მუჯაჰიდეფე ჲომკუთინასუნონ დო თესლიმი იყვასუნონან ჲადო მეშვენტუ. მარა ცაშენ ობომბინუთე ნოღირა მუში ვარ იყუ დო ნანანოღა ჯახარკალეშ პიჯიშაქის ქონოდგითუ დო ჩეჩენი მუჯაჰიდეფე კალა ქოკონაგუ. ამ ოკონაგუს რუსიას ნა ვარ მეშვენტუ კონარი ასქერი უღურუ. ჩეჩენისთანიში მაჟურანი ჯიჰადის 50.000 სივილი კოჩი დოღურუ.