დუდბუტკა

არ ჶილმი: “მალიმე რაინიში მოშლეთინუ”

მაჟურანი ქიანური ლიმას დო ნორმანდიაში ჯეფეს ვორეთ. მალიმეფეშ ღურაში ამბარეფე მოხვალოთ ოჯაღი მუთეფეშიშა მეჩამუში ოდულჲობას ნა იხანდეფს მალიმური ოჶისიში თიმჩხუქ ძიროფს უშიგნერი დო უძირელი არ ხალი. ართნერი კერაშჯოხო ნა უღუნ, ართნერი ნანა დო ბაბაში სუმ ბიჭი ბერე ნა ღურუ ქოძიროფს. ართნერი ოჯაღიში მაოთხანი ბერეთი არმიას ნა რტუ ოხოწონუში, ამბარი მეჩაფს თიმჩხუფე მუშიშა. სარდალეფექ გეჩინადუმერნან მაოთხანი ბიჭი იძირას ჲადო. მაოთხანი ბიჭი იძირასუნონ, ასთახოლო არმიაშენ ითერჰისინასუნონ, უკაჩხეთი ნანა მუშიში ოხორიშა მენდიჩქვინასუნტუ. მურენქი, ამ დულჲა მეჭირელი რტუ. მუშენდო ამერიკაში არმია რენ ავროპას, ნორმანდიაშა გეხთიმუ შენი. ამუშენ მეტა მაოთხანი ბიჭი ნამუ დივიზიას რტუ იჩქინეტუ თინა, ემ დივიზია სო ნა რტუ ვარ იჩქინეტუ.

მაოთხანი ბიჭიშ ოგორუ, ოძირუ, ნა რტუ სოთიშენ ეზდიმუ დო ნანა მუშიშა საღი ოთესლიმუ ვა რენ ფერფუ, მეჭირელი რენ, მენჯელიშგალე რენ. ამ მთინობა იჩქინეტუ თინა, პენტაგონიქ ამ დულჲა ნა ახვენასუნტუ დუდოში ჟოჰნ მ. მილლერიში სარდალობათე, მუშიური ხემასთერალე არ დივიზია წოფხუფს. ამ დივიზიაქ ქოგეჭკაფს დულჲას. ნა დვაჭირტუ ვახთის მუჭო ამერიკაში მალიმე სთერი, ნა დვაჭირტუ ვახთის მუჭო პარტიზანეფე სთერი, ნა დვაჭირტუ ვახთისთი მუჭო მტერი სთერი ოხონკანუთე მაოთხანი ბიჭი, ჟამეს რაინი მოშლეთინუ შენი კართა გზა იცადენ. მორო ჰემინდოს ჟამეს ოძირუში გზაფე ნა გორუფტუ დივიზიაშენ ღურელეფე, ჲარანერეფე დო გონდუნერეფეთი იყვასუნტუ. ჶილმიში იფთი 20 დეიკეს ნორმანდიაშა ჲეხთიმუში ონჭელონი საჰნეფე გოწიდგინენ.

მაქთალე: სთევენ სფიელბერგ; მახვენეფე: სთევენ სფიელბერგ, იან ბრჲჯე, მარქ გორდონ, გარჲ ლევინსოჰნ; სენარიო: რობერთ როდათ; მუსიკა: ჟოჰნ ვილლიამს; სინემატოგრაჶია: ჟანუსზ ქამინსქი; ედიტორი: მიჯჰაელ ქაჰნ; სთუდიო: ამბლინ ენთერთაინმენთ; მასაღალეფე: თომ ჰანქს, თომ სიზემორე, მათთ დამონ, ედვარდ ბურნს, ჟერემჲ დავიეს, ბარრჲ ფეფფერ, გიოვანნი რიბისი, ვინ დიესელ, ადამ გოლდბერგ, დენნის ჶარინა; გინძენობა მუში: 170 დეიკე; დობადონა მუში: ამერიკაში ოკონტალერი ოხენცალეფე; ნენა მუში: ინგლისური; იფთინერი ოძირამუში თარიღი: 24 ხცალა 1998; ბუთჩე მუში: 90.000.000 ამერიკანური დოლარი.