DUDBUT'K'A

GALE GAMULUT'AŞİ XARCİ NİÇİNEN-İ?

Ma-29-ani Mbuloba 2001 tariğoni do 24460 nomeroni ofi3ialuri gazetis na niç’aru “Tereşen gale gamaxtimuşen xarci eç’opinu şeni k’anoni” coxoni do 4705 nomeroni k’anonişi hukmi iktirinu.

Ma-28-ani Mart’i 2006 tariğoni do 26122 nomeroni ofi3ialuri gazetis na gamaxtu sirkuleriten; manz’ageri terepeşa ar ndğaloni oxtimu şeniti xarci iç’opasunon.

Mara amuşen 3’oxle am k’anonişi “n” bendi k’ala; “Arabaşgza, t’renişgza varna ticaruli noğiraten na gulunan vap’urepe do ar ndğa şeni sinoriş manz’agerişi terepeşa na nulunan koçepeşen gale gamaxtimuşi xarci var iç’opasunon edo let’a do rik’inaşi gzaten gale na gamulunan koçepek ar seriti gale dvadginasunonan do religiuri bairamepesti am ora 72 saat’i k’onari iqvasunon” yado k’arari niçineet’u.

A3’i xolo kogoktes do ma-29-ani Mart’i 2006 tariğişen doni gale gamaxtimuş xarciş eç’opinuşa kogyoç’k’es. Edo muafi ixvenuşi madde aşo goktires: “Religiuri bairamepes sinori manz’ageri terepeşa 3 ndğa na var mek’ilasunon steri na gulunanpe”.

Okorturak viza var k’itxups do 15 Amerik’anuli dolari meçamuşen komouçitit yado na ixeles k’oçepek a3’i gale gamaxtimu şeni 70 lira yani 55 Amerik’anuli dolari muç’oşi mepçaten yado şumeri do goşaşeri isimadepan.



                                                                                                                                                              TÜRKÇE