DUDBUT'K'A

ARXVALA COXO MUŞİ "LAZU" REN

Romaniaşi Konstan3a noğas, “Lazu” coxoni ar ç'itanoğa ren. Coxo muşi “Lazu” ren mara ç'it'anoğaşi doloxe mutu skani Lazi va ren.

3'oxles Osmanuri İmp’eriaşi orapes, Batumişen, T’rabzonişen do entepeşi mtelixolo xolos na uğunan ç'itanoğapeşen k'aravepe k'ala, ekonaşis mapxaşi orapes oxandu şeni k'oçepek mulurt'erenan do sakvari mutepeşi dvaçodanşiti xolo oxori mutepeşişa uk'uniktert'erenan. Romaniaşi doloxeni noğapeşi op'ut'epes ncape k'vatupt'erenan do an3'ineri coxo muşiten “Lazu” na ren do xolo emuş xolos na ren ç'it'anoğapeşi sotxanepeşa Tunaşi ğaliş jin ç'iç'it'a k'aravepe k'ala am ncape tirupt'erenan. Dixapesp'icepesti am ncapeşi oxerxu, mobiliaşi oxvenu do çkva do çkva mutxanişi sakvarepe şeni dido k'oçepe dvaç'irt'eren.

Emuşeniki am ç'it'anoğaşi coxo “Lazu” kodoskideren. A3'i “Lazu” coxoni am ç'it'anoğaşi doloxe, Tatarişi Turkepek, mtinişi Makedonepek do Romenepek skidurnan.



                                                                                                                                                              TÜRKÇE