DUDBUT'K'A

GREK'İAŞ XALK'İŞİ O3'K'OMİLU İKTİREN

Grek’iaş xalk’işi Turkiaşa o3’k’omilu iktiren. 3’oxleneri ank’et’epes oşis 75 şen didopek, Turkia Avrop’aş Lik’ateşi doloxe oz’iru var minonan na zop’ont’es Grek’ialurepek, ağani na ixvenu ar xalk’uri goşogoraşi toliten, oşis 38 k’onarik Turkiaşi Avrop’aş Lik’ateşi mak’aturobas mxuci na meçapan oxoi3’onu.

Nananoğa Atinas na gamiçkvinen gazeta To Vima şeni Kapa coxoni goşogoraşi firmak na qu ank’et’is na ak’ates Grek’ialurepeşi oşis 38 ik, “Turkiaşi Avrop’aş Lik’ateşi mak’aturoba şeni referandumi ixvenasna namu reyi meçapt’it” yado k’itxaşa “ho bzop’ont’i” yado coğabi meçu. Çodinas na ixvenu ank’et’is “var yado reyi vixmart’i” na zop’onanşi nisp’et’iti oşis 56 oqopinot nignapinu.

Firmak na qu goşogoraşi toliten, Grek’ialurepeşi oşis 66 k’onaris Turkia do Grek’iak artikartis xolosoni oqopinuşa naqonan ya unonan. Turkiaşa na renşen umosi k’ap’et’i ar p’olit’ik’as mxuci na meçapanşi nisp’et’iti oşis 31 k’onari ren. Ank’et’ik na o3’iru arçkva mtinobati, Grek’ialurepeşi oşis 40 k’onarik K’ibrisişi p’roblema 10 3’ana şk’uleti a3’ineri na ren steri iqvasunon yado na icernan ren. Oşis 17 k’onarikti 10 3’ana şk’ule K’ibrisis jur çkvaneri oxen3ale iqvasunon yado isimadeps. Oşis 36 k’onarikti am p’eriodiş doloxe ar o3’k’e iz’irasunonşi imendi miğunan ya zop’ons.



                                                                                                                                                              TÜRKÇE