|
KİANAS, AMERİK'AŞA REAK3İA MANZ'İNEN
Kianas, k’arta jur k’oçişen arik Amerik’aşi Ok’ont’aleri Oxen3aleşi (AOO) p’olit’ik’ape şeni kianaşa negat’ivuri tesiri oğodaps yado isimadeps. BBCk 26 teres na oxvenapu goşogoraşi toliten, AOO şeni kianas negat’ivuri ar roli uğun yado na isimadepanşi nisp’et’i k’arta 3’anas manz’inen. Turkias am nisp’et’i ar 3’anas 20 point’i manz’inuten oşis 69 şa yextu.
Goşogoraşi toliten Turkia, AOOşa p’at’i noti na meçu terepeşi oşkendas iptineri sirapes ren. Turkias AOO şeni simada na ik’itxu vitoşi mak’atureşi oşis 69 ik, AOOşi p’olit’ik’apek kianaşa negat’ivuri tesiri oğodaps ya tku. Am nisp’et’i go3’os oşis 49 rt’u. Turkias na ixvenu goşogoras na oxoi3’onu namtini simadape aşo ren:
İrak’işa xe gedvuşa na nodgitunanpe - oşis 90
İsraeli do Hizbullahişi limas AOOs kabaxat’i uğun na zop’onanpe - oşis 89
Guantanamos na molaxenan k’oçepeşa p’at’i oğodaps yado na işumernanpe - oşis 85
İranişi nuk’leeri p'rograma şeni na ikips dulyape na var mo3’ondunanpe - oşis 81
26 teres AOOş İrak’işi p’olit’ik’a tasdik’i na var ikipanpeşi nisp’et’i oşis 73 do AOOşi Oşkendayulvas na uğun askerepe muşişa na nodgitunanpeşi nisp’et’i oşis 68 iqu.
Avrop’a, Azia, Afrik’a, Oşkendayulva, 3’alentuna Amerik’a do AOOşen mak’aturepeşi oşis 49 k’onarepek, AOOk kianas k’ai ar roli var duskidu do p’at’inobapeşa gza meçaps yado isimadepan.
BBCk jur 3’ana 3’oxle 18 teres na gyoç’k’u goşogorapes, AOOşa p’ozit’ivi na o3’k’ernanpe oşis 40 do oşis 36 oqopinot gamaxteret’u. Çodinuri goşogoras AOOşi p’olit’ik’ape tasdik’i na ikipanpeşi nisp’et’i oşis 29 şakis ginç’u. AOOs na ixvenu ank’et’epeşi toliten, P’rezident’i George Bushis mxuci meçamu tere muşisti k’arta ndğas dvark’inen. CBSşi t’elevizionik na qu ank’et’is na ak’atu Amerik’anurepeşi arxvala oşis 28 ik, Bushi şeni gecgineri ren yado isimadepan mara am nisp’et’i p’rezident’obaşi p’eriodis Bushişa irişen dork’ineri omxvacu ren.
|
TÜRKÇE
