DUDBUT'K'A

K'AÇK'ARİŞİ GERMAPES HELİSKİŞİ KEYFİ

Heliski (Helik’op’t’eroni ostva), mastvalepek helik’op’t’eriten germapeşi zirvepeşa na yinç’enan do ekonaşişen me3xont’inuten na gyustunan ar sp’ort’i ren. Heliski, kianas K’anada, Alask’a, K’avk’asia do Himalayaşi germapeşk’ule Turkias maartani fara K’açk’arişi germapes ixvenen. K’açk’arişi germapes mçire ar raionis na ixvenen ak’t’ivit’eşi oras 3.900 met’ro mağalobaşakis yinç’inen. Am sp’ort’işi irişen beciti k’valifik’a3ia, ostvaşi ok’rebuleşen do ostvaşi p’istişen mendra, xe unosve germapes, nat’uraşi doloxe dido mtveri mtvirişi jin oxvenu ren.

Kianas heliski maqoropeşi ağani raioni K’açk’arişi germape iqu. Turkias maartani fara 2005 3’anas K’açk’arişi germapes na ixvenu heliskişi organiza3ia, am 3’anas masumani fara ixvenen. Masumani muşi na ixvenen organiza3iaşa am 3’anas nç’ela dido iqvasunon yado ignapinu. 3’anağanişi tutas na gyoç’k’aps do K’undura do Mirk’anişi tutapes na naqonops ak’t’ivit’epeşa, 2005 3’anas kianaşi çkvaneri terepeşen 60 k’onari ostvaşi maqorope ak’ateret’u. Organiza3iaşa 2006 3’anasti 250 k’onari heliskişi maqorope ak’ateret’u. Mak’aturepeşi k’oro3xala am 3’anas Mirk’anişi çodinaşakis 600 k’onari iqvasunon yado organizat’orepeşk’elen ignapinu. Kianaşi çkvaneri terepeşen moxtimeri p’rofesionali mastvinepek K’açk’arişi germape şeni, “eşo cenneti steri” ren ya zop’onan.

Heliskişi speros kianuri tecrube na uğunan Svitzerlanduri, Fransialuri do İt’alialuri germaşi rexberepe, Svitzerlanduri p’ilotepe k’ala do heliskişi sp’ort’işa adapt’e xveneri xususi ar helik’op’t’eriten, Ayderişi golas na dodgiturnan heliskişi maqoropepe, grup’apeten yezdimuten K’açk’ariş germapeşi ostva na ixvenen raionepeşa nişkvinen. K’açk’ariş germapeşi nat’uraluri mskvanobaşi oşkendas nanç’inerot sum met’ro mçirenoba na aqven mtvirişi jin ginz’e oras na gyustunan t’uristepe, xolo helik’op’t’eriten Ayderişa geinç’inenan. Heliskişi maqoropepek, Turkiaşa moxtimuşi irişen beciti sebebepe şeni, Avrop’aşa na uğun xolosoba, K’açk’arişi germapeşi am sp’ort’i oxvenu şeni dido musait’i oqopinu do t’erit’oriaşi mskvanoba ren ya zop’onan.



                                                                                                                                                              TÜRKÇE