DUDBUT'K'A

2000 LAZURİ TKVALA!

Ağanmordale ak’ademisieni Tea K’alandiak na xaziru “2000 Lazuri Tkvala” coxoni xanda 2005 3’anas Tbilisis gamiçkvinu. Svaraşi redakt’oroba, P’rof. Guram K’art’oziak qu. Mtelot 94 but’k’a na ren svara, Gamamçkumaloba Art’anucik na gyoç’k’apu “Kolxuri Seria” şi maartani svara ren. Seriaşi generaluri redakt’oroba, ist’oriaşi dok’t’ori na ren Buba K’udavak ikips.

Tbilisişi İvane Cavahişvili Oxen3aluri Universit’et’is na ixandeps Tea K’alandiak, am svaras na ç’ars tkvalape 2004-2005 3’anapes Sarpis na qu ak’ademiuri goşogorapeten k’orobu. K’alandiak am svara omordinu şeni xanda muşişa naqonops. Svaraşi oxazirus; Mamula Tandilava do ocaği muşi, Nodar Kakabaz’e, Avtandil Abulaz’e, İaşa do Dato Bekirişi, filologiaşi dok’t’ori Omar Memişişik mxuci meçerenan.

Svara, Lazuri-Kortulişi format’is ixazireren. Svara ar k’valifik’a3ia oqopinot, Lazurişa Turkuli do Ponteik’urişen amaxtimeri tkvalapes nişani meçameri ren. Dulya, troni, k’aravi, k’arfi, k’romi, mandre, moni, nosi, ot’rik’e, oki, ofidi, p’ap’azi, p’aramiti, p’araske, p’odia, sabat’oni, sifteri, skuafi, ump’a, pak’la, şilya, xoroni, helessa, steğo steri Ponteik’uri origini na uğun tkvalapes çkvaneri ar simboli niçineren.

Mara, speroşi goşogoru şeni arxvala Sarpi o3xunu, dido ndareli ar xanda oxvenu, svaraşi doloxe na ç’arups tkvalapeşi gverdi Lazuris na ren xark’i tkvalape oqopinu, Lazuris na ixmarinen tkvalape svaras uç’arinu k’oçis dido osimadapaps.

Ok’vanduşi t’ilifoniş nomeri: 00 995 32 250 522



                                                                                                                                                              TÜRKÇE