|
NASRALLAH, ARABEPEŞİ QOROPELİ GO3'ONCĞONERİ REN
Anşi Arabi 3’alonas na ixvenu xalk’uri goşok’itxak, Arabepeşk’elen irişen dido na iqoropinen go3’oncğoneri Hasan Nasrallahi na ren oxomo3’onapes. Egvipt’i, Saudi Arabia, Urdunia, Lubnania, Mağribia do Ok’ont’aleri Araburi Emirobapes na ixvenu ank’et’is nanç’inerot otxo şilya k’oçik coğap’i meçu. Ank’et’is na ak’atu k’oçepeşi oşis 14 k’onarik irişen dido na qoropan go3’oncğoneri oqopinot, Hizbullahiş go3’oncğoneri na ren Nasrallahiş coxo molaşinu.
Nasrallahis, Fransaşi P’rezident’i Jacques Chirac do İranişi P’rezident’i Mahmud Ahmedinejadik naqonops. Arabepek irişen dido na var qoropan go3’oncğoneriti oşis 38 nisp’et’i k’ala AOOşi P’rezident’i George Bush ren. Ank’et’is coğap’i na meçes k’oçepeşi oşis 79 k’onarik İsraeli, oşis 74 k’onarikti AOO şeni irişen didi texlik’e ren yado isimadeps. Arabepeşi oşis 67 k’onarik Arabepe do İsraeliş ok’ok’idinu oçodinasna AOOşi negat’ivuri imaji iktirasunon ya zop’ons. Ank’et’is na ant’alu k’oçepeşi oşis 33 k’onarikti, İrak’işen gamaxtimuk AOOşi imaji p’ozit’ivurot oktirasunon yado izmons.
|
TÜRKÇE
