DUDBUT'K'A

PAPONİ: LAZURİ OÇ'K'OMALEPEŞİ GOŞOGORA

Paluri Arzu Kal şk’elen ginz’e oraloni goşogorapeşi çodinas na ixazirinu “Paponi Lazuri Oç’k’omalepe do Oç’k’omaleş K’ult’ura” coxoni svara 2006 3’anas gamiçkvinu. Lazepeşi ist’oria, nena do k’ult’ura şeni dido svarape na gamoçkvu Gamamçkumaloba Çiviyazilarişi seria mjoraşen na gamiçkvinu svara, spero muşis maartani oqopinuşi xususoba uğun. Lazuri-Turkuli-İnglisuri oqopinot na ixazirinu svaraşi Lazuri redak’sioni İsmail Bucaklişi, İnglisuri goktirupe Eylem Bostanci şk’elen xveneri ren.

Adeturi Lazuri oç’k’omalepe, originali xali do oxo3’ononi nenaten na iç’aren svarak xolo Lazuri k’ult’ura do geografiati oçinapaps. Svaraşi gyoç’k’alas Lazepeşi ist’oria, Lazuri, geografia do mzgudapeşi ç’eşidi, ogyareşi angepe do Lazuri oç’k’omaleşi k’ult’ura şeni ç’areli st’at’iape gedvaleri ren. Ğere, Xopa, Vi3’e, Vica, Dutxe, Ğvandi, Art’aşenis na diliç’arinu oç’k’omalepe; çorbape, kovali do mç’k’idepe, get’ağanerepe, brinconepe do mak’arinape, dudari gyarepe, loqape, ağani oç’k’omalepe oqopinot şkvit k’at’egorias takdimi ixvenen. 320 but’k’aloni na ren do mtelot 122 oç’k’omaleşi tarifi na niçinen svaras 105 3’ali adeturi Lazuri oç’k’omale do 17 3’aliti maç’areşi t’erit’orias na ixmarinen malzemepeşen na yoçkindinu muşi oç’k’omalepeş tarifepe ç’areli ren. Oç’k’omalepeşi tarifepe k’ala t’erit’orias na ixmarinen malzemepeşi xususobape, oç’k’omalepe mu k’ala na iç’k’omasunon, p’aşura na uğun oç’k’omalape, na ixmarinen mcveşi angepe originali fot’ografepe k’ala oxui3’onapinen.

Ok’vandinuşi t’elefoniş nomeri: 0216 414 91 13



                                                                                                                                                              TÜRKÇE