|
XOPASP'ORİK MCVEŞİ DĞALEPE MUŞİ GORUPS
1961 3’anas na ik’idu Xopasp’orik, 1985-1986 3'anaşi sezonis do 1996-2002 3'anapeşi şkas, Turketişi P’rofe3ianiuri Fut’bolişi Majurani Ligas, Ordusp’ori, Giresunsp’ori, Rizesp’ori steri k'ap'et'işi t'ak'imepe k'ala k'ap'etişi rek'abetis amaxteret'u mara em 3'anapeşi Xopasp’orişen a3'i mutu skani va doskidu.
Muşeni ki, Xopasp’orik a3'i Masumani Ligas ren do am ligaşenti meluşi gzas k'ritik’uri ar virajiş doloxe amaxteret’u. Mara çodinaşi dolonepes oxori muşis otxo do dep’lasmanis ar t’ak’imi gecginu do eşopeten meluşen muçitu.
Xopasp’ori na okoçaps mteli xolo k'oçepek “Ey gidi Xopasp’ori çkini, aşo p'at'işi dğalepeti bz'iratmint'es-i?. Aya çkini şeni dido p'at'işi do oncğoroni ar sakvari ren, Xopasp’orik Majurani Ligas va ren mara Majurani Ligas na isters Pazarsp’ori k'ala guri çkini govundvalupt. Xopasp’orik aşo p'atişi p'ozi3iaşen mundes kamuçitasunon, 3'oxles na rt'u menceloni orape muşi mundes iqvasunon va rti miçkinan.” ya zop'onan.
Mara mteli Xopurepes xolo dido k’ai uçkinan ki, Xopasp’orik mcveşi dğalepe muşişa uk’uniktasunon do xolo 3’oxle na rt’u steri menceloni ar t’ak’imi iqvasunon. Edo aşopeten na melu Majurani Ligaşa yextasunon.
|
TÜRKÇE
