DUDBUT'K'A

MONK'A İQVEN TRABZONSPORİŞ QOROPA!

Mtelixolo k'ap'et'işi menceloni liga na uğun dobadonepeşi şamp’ionepek do menceloni t'ak'imepek dido oras endust'ria dido mordineri na ren noğapeşen gamulun. Amuşi inversi alt’ernat’ivepeti iqven muç'o eşo Trabzonspori do Trabzoni steri.

Trabzonsporik Turketişi Maartani Ligas 6 fara şamp’ioni iqu, mara 1983 3'anaşen doni şamp’ioni va iqopinu.

Trabzonik dido mcveşi 3iviliza3ia, k'ult'ura, ist'oria na uğun ar noğa ren, egere aşo va rt'uk'on na Turketişi Maartani Ligas 6 fara şamp’ioni va iqopinasunt'u do k'arta 3'anasti şamp’ionoba şeni va asterasunt'u. Trabzonsporik menceli muşi aşo argumantepeşen yezdips, ar xvala Trabzoni do emuşi xolos na ren noğa do ç'it'anoğapeşi t'araftari na uğun t'ak'imi va ren. Turketişi mtelixolo noğapeşi doloxe t'araftari na uğun ar t'ak'imi ren.

Turketişi doloxe Mp'olişi noğaş meti şamp’ioni na gamiğu ar noğa ren, eti Trabzoni ren.

Didi K'olxuri mabirale do k’ult'uraş k'oçi çkini na miqonut'es raxmetoni Kazim Koyuncik “Trabzonsporik çkimi şeni mteli xolo na va icginen divepe na ocginaps izmoceneburi ar gurami rt'u. Emuşeniki Trabzonsporli na vore şeni dudi çkimi k'ala dido xeleberi vore” na tku steri mtelixolo divepe na ocginaps izmoceneburi ar gurami ren Trabzonsporik.

Trabzonsporik 1983 3'anaşen doni şamp’ioni va iqopinu, mara beciti va ren, Trabzonsporistoba didi ginz'e şurinoboni, dido ginz'e şaranoboni ar qoropa ren, Trabzonsporiş t'araftarobaş oqopinoba eşo 3ubuka ar sakvari va ren!



                                                                                                                                                              TÜRKÇE