|
K'OÇİVAŞİ LEKSEPE: NENAMURUN3Xİ
Selma K’oçivaşk’elen na iç’aru “Nenamurun3xi” coxoni svara, Kurye Gamamçkumalobaşen X3ala 1997 tariğis gamaxtu. Lazuri seriaşi maartani svara na ren Nenamurun3xis, Turkialuri ar Lazişk’elen na gamiçkvinu iptineri leksişi svaraş xususoba uğun. Svaras qoropa, gonç’ela, imendi, so3ialuri p’roblemape, maok’vak’ide k’oçepe temaloni Lazuri leksepe meşaç’areli ren.
K’oçivak, svaraşi amaxtimalas antepe zop’ons: “Cumalep do dalepe! Na gişk’unan steri aşi 3’ana ren nanaşnena Lazuri Latinuri alfabeten inç’aren. Ham didi ambari na var ognu miti vato doskuda! Aşi 3’ana ren, Lazuri onç’aru goyimben, mirden. Cumalep do dalepe, xe umeğapu Lazuri onç’aru ixmanan, destanepe, şiirepe, trağudape nç’aruman. Haşote Lazuri onç’aru monzinaman. Ağani nç’areli gamobiğam t’atuşa xela şk’uni mutu va numgvas. Nenamurun3xi Lazuri şeni, murun3xi ndğalepeşi ceç’apuri oren. Nanaşnenaşi ağani dobadona oren. Gondunu na di3’onen goç’ondrineri, elank’aleri, ham msk’va nena mzgudun, moyirden. Na golulun k’at’andğa Lazuri onç’aru xe na ginz’ikas bozo do biç’epe momanzineran… Meci miğunan steri gobuxedat mç’araten! Nç’ari do noşk’erite nç’ari na t’k’u ar nena unç’aru iyet’uyi? Mç’araten! Ham msk’va nena, ham destani steri nena p’ote var inç’aru va bozitapaten! Sk’udas Lazuri nena! T’kvani Lazebura”.
Svaraş doloxe; N3a Mç’is Na Boğodit Hamtepe, Bulur, Xvala, Oropa, Çilambri, Mendranoba, Gogoç’ondrasen, Şk’imebura Oropa, Noğadidi, Kocedu Do Rak’ani, Lazuri Nusa, Fadume, Zuğauça, Murun3xi St’eri Ndğalepe Şeni, N3aşşi Sk’iri, Si Maz’ira 3’ulu Bozo, Tincin Tincin, Ela, Miyondraman, Moşletinari, Ç’e Berepe Berepe, Goyimbenan Berepe Şk’uni, K’inçi Biya Meft’are, Golipinit K’inçepe, Amseri, Didanaşi, Tutaste, Toç’i Var Eyazden Hast’eri Sk’iri, Art’aşenuri Proleterepe, Gipurçam Bere Şkimi, Lazebura Şkuni Va Gondunare, Mcora Şkimi, Si Mazira 3’ulu Bozo, Murun3xi Bozo, Moro coxoni leksepe gez’in.
Ok’vandinuşi t’elefoniş nomeri: 0216 347 05 62
|
TÜRKÇE
