DUDBUT'K'A

ÇİMÇİRİ ŞURT'U AZLAĞAS

Dr.Nizamettin Alkumruşi “Çimçiri Şurt’u Azlağas - Şinapeten Lazuri K’ult’ura” coxoni svara ik’itxit-i?

Svaraşi k’ap’ulas avt’orik aşo noç’areren: “Lazepeşi ist’oria oç’aru şeni na mç’irnan arkivepe, t’ekst’epe do dok'umant'epe xe çkinis var miğunan. Na mç’irnan çkinapeşi cinci K'olxetis 1200 3’aneri hegamonia na uğut’u Bizant'ia do 250 3’aneri T’rabzonişi Berz’eni İmp’eriaşi ofi3iuri ist’oriaşi svarape ren. Lazuri ist’oriaşi speros na ixvenen xandape içodaşi noğira çkini iqvasunon do Lazuri k’ult’uraşi mtelixolo ç’areli na ren ar svara maqvasunonan. Svara çkimis, Lazuri nena muşeni domaç’irenan, Lazepeşi ndğalerişi skidalaş doloxeni k’ont’akt'epe, k’ult’ura mutepeşi, xolos ist’oria mutepeşi, şinape k’ala do şignape k’ala pç’ari. Lazuris guri meçameri ar adamianot, na pskidepe ç’umanişa domiskidan yado momangonu.... Ho, albat skidala naqonasunon. Lazepeti ç’it’a oraşk’ule nenape do minoba mutepeşi gondinasunonan mara oskedinuşa xolo noqanasunonan. Ok’ule, ar ndğas “Şurimşine Lazuri çkini” rt’u ya tkvasunonan. Mara em xonari, qucepe çkinik na var aşignasunon do tolepe çkinik na var az’irasunon ar mendranobaşi doloxe doskidasunon.... Eşo limcineri mjora mzoğas na gondunun steri...”

Ok’vanduşi t’ilifonişi nomeri : 0216 414 91 13



                                                                                                                                                              TÜRKÇE