|
MOLDOVAŞİ GAMAMALAŞ 3'OXLENOBAPE
T’ransdinyest’erişi p’roblemaş sebebite monk’a p’roduk3iaş tudelonxvenapa didopete na kagondunu Moldovas, oç’k’omaleşi do oşvaluşi sek’t’orepeş speropek maiptinuroşi oqopinot kaiz’irenan. Oç’k’omaleşi nogamaçalepek do oşumonepek, mtelixolo indust’rialuri gamamalaş % 50 didinobate ixvenen. Ğvinik, Moldovaşi mtelixolo gamamalaşi % 18 3’opxups do emuşk’ule % 6 te lilve do xilepek, % 5 iteti şekerik 3’opxups.
Moldovaşi doloxe ğvinişi gamamala na ikips eşopete 150 fabrik’a koren, 3’anaşi oqopinurot gamamalaşi k’apasit’ekti 370 milyon lit’re ren. 3’anas 8,7 milyar buceti 3igaretiş gamamalaş didinoba na uğun tutumişi sek’t’orik, 1991 3’oxleni orapes Sabçoetis na gamiçinet’u 3igaretepeşi % 40 işi gamamala ixvenet’uşi, k’oçepeş ak’vandobapek Amerik’anişi 3igaretepeş oqopinobate galengamaçamobaş menceli muşi kagunduneren. Şekerişi gamamalak mcveşi tek’nologia do na iç’it’anen şekeriş pancariş gamamalaş sebebite dido p’at’işi oğodobaşi doloxe e3’adgitu. An3’ineri orapes mtelixolo gamamalaş sumişen arik Germaniaşi firma Sudzuckerişk’elen ixvenen. Moldovas oç’k’omaleşi do oşvaluşi sek’t’orepeş meti 3ubuka p’roduk3iaş gamamalak dido mç’ipaşaşi dodgimoba 3’opxups. T’ek’st’ili do dolokunuşi indust’riak mtelixolo gamamalaş % 2 işi steri ç’it’anoba 3’opxups nati Moldovaşi irişen didi galendogamaçamuşi gamaçaleş oqopinoba uğun.
Moldovaşi indust’rias na e3’odgin irişen didi p’roblemapeşen arik amaxtimanalepes dido k’ap’et’işi mek’iroba ren. Çodinaşi orapes na iqu umç’imapeş sebebite ek’onomias dido p’at’işi xali aqu. 1998 Rusiaşi k’rizis na iz’iru steri Rusia do Oxoşkveri Oxen3alepeş Ok’obğaleş dobadonapes mek’irobati p’at’işi ar oğodoba 3’opxups. Moldovas mtelixolo aşo p’at’işi fak’t’orepe uğut’as nati, indust’riaş gamamalak 2003 3’anas % 16 steri rek’orişi didinobate, 2004 3’anas % 8, 2005 3’anasti % 6 işi odidanute koguimralinu.
|
TÜRKÇE
