|
AR FİLMİ: "P'ROP'AGANDA"
Ç’it’anoğa Hisli Hisaris voret. 1940-oni 3’anapeşi çodina. Jur dobadonaşi oşkendas na ok’oirtinu ar ç’it’anoğaşi p’roza ren “P’rop’aganda”. Artneri nena na ğarğalapan k’oçepe renan jur çkvaneri dobadonaşi dobadonamşinepe. 3’oxle, mcveşi orapes na rt’u steri iskedinen. Ç’it’anoğaşi doloxe ar k’eleşen majura k’eleşa yani ar dobadonaşen majuranişa oxtimu-moxtimuş p’roblema var ren. Mara sinorişi daz’oni telik ç’it’anoğa mtelot ok’ortups. Gumruk’iş Oçvaluşi Direkt’orobati ikiden. Ar k’eleşen majuranişa oxtimu-moxtimu şeni p’asp’ort’i dvaç’irs xalk’is.
Mehdi ren Hisli Hisaruri. Ank’aras k’itxeri ren. Uniformaloni ar burok’rat’i iqven. Ç’it’anoğa muşişa guikten Gumruk’iş Oçvaluşi Direkt’ori oqopinot. Berobaşen megabre muşi Rahimi ren majura dobadonaşi dobadonamşine. Oş3’anurapeşen doni arto na skidu ar xalk’işi skidala ixizanups. Am daz’oni telepek nodgitaps; so3ialuri skidala, k’omer3ia, megabroba, qoropas. Oint’eresoni dulyati rendo, Gumruk’iş Oçvaluşi Direkt’ori Mehdişi biç’i Ademi do majura gverdiş dobadonamşine Rahimişi k’ulani Filizik artikartis aqoropenan. Ocaği gedgu unonan. Mara sinorişi ğara ren didi ğoberi.
Rejisori: Sinan Çetin; Senario: Sinan Çetin, Gulin Tokat; Z’irapaş rejisori: Rebekka Haas; Musik’a: Sezen Aksu; Masağalepe: Kemal Sunal, Metin Akpinar, Meltem Cumbul, Rafet El Roman, Meral Orhonsay, Ali Sunal, Sinan Çetin; Xvenaş 3’ana: 1999; Xvenaş k’omp’ania: Plato Film.
|
TÜRKÇE
