|
ÇERNOBİLİŞİ T'RAGEDİA
Xepe mutepeşis şandali do mç’ita k’aranfilepe na dokaçapt’es oşepeten adamianik Slavoitçi Meodanis ik’ik’ates. Am meodani, Uk’rainaşi Çernobiliş 3ant’rali na dgin raionişa dido xolosi ren. Tolepe mutepeşi çalamuroni adamianepek k’at’ast’rofaşen ar 3’anaşk’ule na ğuru 30 şurişi şina şeni dodgineri monument’işi 3’oxle ok’uibğes. 26 İgrik’aşi maartani saat’iş doloxe, saat’i 01.23-s sirenepe ignu. 20 3’ana 3’oxle artneri saat’is, reak’t’orepeşen ar teri it’k’va3eret’u. Edo emuten radioak’tiuri k’omape n3aşa yexteret’u.
Noğaşi meodanis na ik’ik’ates xalk’is 20 3’ana 3’oxleni ora a3’ineri steri şunan. 20 3’anaşi k’at’ast’rofaşi p’eriodis sant’ralis na ixandept’u adamianepeşen ar teri na ren Mykola Riabuşkinik, “K’at’ast’rofaşi seris, ek 3ant’ralis vixandept’i” ya tku. Monument’is suratepe mutepeşi men3axeri na ren ğureli adamianepe şeniti aşo naqonu: “ Ma am adamianepe mteli viçinopt’i. Entepes vo3’k’er do oxat’iru minon entepeşen. Mis açkinen, am k’azaşi coğabinameçaps muşi, çkin mteli voret.” Ukr’ainaluripeşi toliten, am Çernobilişi k’at’ast’rofak xuti milioni adamianis derdi do zarari meçu Uk’raina, Belarusi do Rusetişi Federa3ias.
K’artas k’ai uçkin ki, am k’at’at’srofak tere çkinişati derdi momiğes . Edo Yulvari Uçamzoğaşi terit’orias dido ğuraşi sebebi iqu. K’ai uçkinan ki, entepeşen ar teriti çinoberi Lazuri gemabire Kazim Koyuncu rt’u. Dido oncğore ren-ti-na, Turketişi ofi3ialuri inst’tit’ut’epes am k’at’ast’rofa şeni a3’işa mutu var atkves.
|
TÜRKÇE
