DUDBUT'K'A

XOPAS P'ET'ROLİ İZ'İRU

TPAO (Turketişi P’et’rolepeşi Anonimuri K’amp’ania) şi Generaluri Direk’t’orik, Xopas na iz’iru p’et’roliş rezervia şeni Turketis na ç’irs didobas ren ya tku. Xopaşi rezerviaşi oxo3’onu şeni jur 3’anoni sondaji oxvenu unon yado noqonu. TPAO şi Generaluri Direk’t’orik, Xopas na ixvenu sismiuri xandapeşi çodinas Turketiş oxmaruşi k’ap’asite k’onari p’et’roliş rezervia bz’irit ya tku.

TPAO şi Generaluri Direk’t’orik, geologiuri do geofizik’uri speropes dido beciti çkinape maçkines mara p’et’roli ovro 3’anaşk’ule gamiğinen do ixmarinen ya tku. 2005 3’anas Uçazoğas 16 vitoşi k’ilomet’ri sismiuri p’rograma ixvenu do Turketişi ist’orias maartani fara Uçazoğaşi jin sum sondaji artneri oras içodinu yati tku. Ayazli, Akkaya do Xopas na ixvenu xandapes dio beciti mutxanepe iç’opinu mara Xopa-1 coxoni sondaji k’ala na nixvadinu zoğaşi 3.200 met’ri tudeni p’et’rolişen dido imendi miğunan yado noqonu.

TPAO şi Generaluri Direk’t’orik oğarğalu muşi aşo oçodinu: “Zoğapes na ixvenen oguru do sondaji oxvenuşi xandapeşi çodinas na iz’iru nat’uraluri gazişi sebebiten Uçazoğa didi p’et’rolişi k’amp’aniape şeni dido onç’eloni iqu. Emuşeni Uçazoğaşi p’et’roli do nat’uraluri gazişi p’ot’an3ia oçkinu do ek’onomişa mogapu şeni dido oxandu unon. Am speros Breziliaşi PetroBras coxoni firma k’ala sum sondajiş sva şeni p’artneroba oxvenuşi 3’oxlenuri k’ont’akt’i p’it. PetroBrasik zoğaş tudeni gurapapes dido çinoberi ar firma ren do çodineri k’ont’akt’i oxvenu şeni ğarğalapes mevoqonapt.”



                                                                                                                                                              TÜRKÇE