|
FENERBAHÇE-ULKERSPORİK ŞAMP'İONİ İQU
Go3’oneri 3’anaşi çodinas Fenerbahçeş basket’işi t’akimi k’ala na ok’oxteret’u Ulkersporik, Fenerbahçe-Ulkersporiş coxote an3’i xolo şamp’ioni iqu muç’o eşo umeç’k’vidoni rak’ibi muşi Efes Pilseni go3’oneri sezonişi finalis 4-0 na ocgineret’u steri. Ulkerspori do Efes Pilsenişi rek’abet’i çkvaneri iqvet’u golaxtimeri 3’anapes mara jur t’akimisti xolo dido k’eleneri va uqonut’u. Emuşeniki Ulkersporişi k’elen na oxoi3’onapinu ambarite Fenerbahçe k’ala ok’uik’ateret’es go3’oneri 3’anas. İbrahim Kutluayik, Mirsad Turkcanik, Omer Onanik, Oğuz Savaşikti moxteret’u Ulkersporişk’elen. İbrahim Kutluayik, Fenerbahçeşi tudelen ağanmordalepeşi t’akimepeşi mordale ar NBAşi z’ireri, Avrop’aşi dido didi t’akimepes irişen didi k’upape na gecginamute na uz’iramun Avrop’aşi superst’ari mabasket’bole rt’u do arxvala Fenerbahçeş k’upa z’ireri va rt’u.
Turkiaşi Basket’boliş Ligaşi Şamp’ionobaş finali dido menceloni kogyoç’k’u. Geç’k’alaş 3’oxle avt’orit’epeşi didopek Efes Pilsenis şanşi meçapt’es do eşopete urgaperi ğarğalapt’es Efes Pilsenik ocginasunon yaşi menda3’k’omilurot. İpti maçi Fenerbahçe- Ulkersporik 36 p’oint’iş fark’ite ocginu Efes Pilseni. Sum çkva maçi Fenerbahçe- Ulkersporik mogu xolo. Çodinaşi maçis dido menceloni stera uğut’u Fenerbahçe- Ulkersporis do Efes Pilseni muç’o eşo dido p’at’işi abondone doqu, doragadu. Efes Pilsenişi jindoleni maktalepek ant’renori mutepeşis finalişi maçiş çodinaşi jurdğaş k’ule atxozes.
Şamp’ionoba ipti fara va mogu Ulkersporis mara an3’ineri şamp’ionoba muşik dido çkvaneri t’u. Mtelixolo maçik Abdi İpekçişi Arenas ixvenu do z’giperi 20.000 mao3’k’edalepeş 3’oxle koguisterinu. Sp’ort’ik mao3’k’edalepete muç’oşi na imskvanen, k’arnavalişi o3’opxinus muç’oşi na kanikten am finalişi oras ucgişi mç’ipaşaşi kaiz’iru. A3’i, Fenerbahçe- Ulkersporişi 3’oxle ucgişi didi gecginobape go3’uz’in, eti Avrop’aşi şamp’ionobapes didi gecginobape ren, bolaki aşo gecginobapeti bz’iratminonan.
|
TÜRKÇE
