|
P'AVLE AK'OBİAŞİ "ÇELA"
K'olxi malekse P’avle Ak’obiaşi Margaluri leksiş svara Çela, 1931 3’anas Oxen3aluri Gamamçkumaleşk’elen Tbilisis gamiçkvinu. Çela do Margaluri çkva magektaloni leksepeşi dudari na uğun svaras, artikartişen xelaboni 5 leksi gez’in: Çela (1903), Gaç’ireba (1904), Sesia (1904), Dixa (1904), Tavisupleba (1904).
P’avle Ak’obiak maartani leksi muşi, çeloni-teoni-çononi dğalepe oz’iruşi imenditen ç’areren. Majurani leksis meç’irobaşen do p’at’i xalepeşen moşletinuşi gzalepe o3’iraps. Masumani leksis Sesia coxoni megabre muşişi p’iciten adamepes kogok’u3xit do guinç’k’irit yado ucoxops. Maotxani leksis dixa-let’a-dobadonaşi qoropa şeni cumalepes nucoxops. Maxutani leksisti timoşletinoba-oxoşkvinoba şeni mencoloni do k’ai guroni mesajepe meçaps. Svaras coxo na meçeren, leksi Çelaşi geç’k’ala aşo ren;
Aşo, çela, si çerçela,
Si monobas gegapili!
Si uçxonçxe, si sergela,
Si k’iserielapiri…
Aşo, çela! moro çela,
Oç’k’umalo şxvas du3 arze…
E3al rinas dido ucgu,
Şurot kianas varde.
Aşo, çela, batomişa,
Dud gegiz’u sas3’orişa.
Dio cgiro dorxenduna,
Bolos du3u merke3una.
…
|
TÜRKÇE
