|
ERİSİONİ TURKETİŞA MULUN
Okorturaş Ank’araşi Oelçoba, Mp’oliş Didinoğaşi Belediye do Tbilisişi Belediyeşi anonimuri organiza3iaten 1–3 Mbuloba 2006 tariğepeşi şkas Mp’olis "Tbilisi – Mp’oli Okorturaşi K’ult’uraşi Dğalepe" ixvenasunon. “Okorturaşi K’ult’uraşi Dğalepe " şi ofi3ialuri gon3’k’ima maartani Mbulobaşi Çaçxas saat’i 19.00 is CRR K’onserişi Salonis ixvenasunon. Gon3’k’imaşi galas fotografi do suratişi merçapa, ncaşen noxvene do xeşnoxvenepeşi merçapa mak’atalepeşa guin3’k’asunon.
2 Mbuloba 2006 P’araskes Harbiyeşi Gon3’k’eri Teat’ris mteli kianas çinoberi na ren Georgian Legend (Erisioni) k şovi qvasunon. Kianaşi dido svalepes şovi na ikips grup’i Turketişa iptineri fara mulun. Fransias na skidun Okorturulepeşi k’ideri na ren grup’i xususorot Fransia, Avrop’a do mteli kianak na içinops ar grup’i iqu. Şovi na ikips mteli salonepe na yopşaps grup’i dansi mutepeşi do koreografi mutepeşiten artneri grup’epeşi doloxe eni menceloni ren. Grup’işi dudmaxvenci Pascal Jourdan, xeşnoxveneş maktali Cemal Ç’k’uaseli, koreografist’i Revaz Ç’oxoneliz’e, k’ostumepeşi maxazire Merab Berz’enişvili ren.
3 Mbuloba 2006 Sabat’onis saat’i 16.00–24.00 şkas, Nişantaşişi P’ark’is na ixvenasunon genk’iluşi 3eremonias Bayar Şahin, İberya Ozkan do e Kafdağişi grup’i k’ala Kortuepeşi asosia3iapeşi folk’loruli masterepe , Okorturaşen do K’itişi Teat’ri, P’andomimiş Teat’ri, Kartuli Xmebi, Madole Berepe de Georgian Legend (Erisioni) ak’atasunon. Mak’atalepes genk’iluşi 3eremonias mangaliş jin na iç’ven “Xaç’ap’uri”ti niçinasunon.
|
TÜRKÇE
