|
JAP'ONİŞİ LAZURİ BİRAPAPE
Jap’oni Goichi Kojimak na k’orobu Lazuri birapape, Chiviyazilari Gamamçkumaleşi Mjoraş seriaşen 2003 3’anas gamiçkvinu. Svaraşi go3’otkvalas, Turkulis maartani fara na ixvenu am xanda şeni, Lazuri birapape nenape do notape k’ala na o3’iraps k’oroberi ar svara na ren do am k’oroba t’erit’orias na ibirinen, ç’andapes do noderepes na itkven dido birapape ok’obğuten na i3’opxinu idia ixvenen. Kojimaşi ginz’e 3’anapes Lazuri nenaşi jin na qu xandapeşi çodinas na gamaxtu am k’oroba şeni Lazuri k’ult’ura do ç’aralobaşa becitoni mxuci meçasunon ya itkven.
Svaraşi amaxtimonis, Lazuri birapapeş k’orobuşi fent’i, birapapeşi melodiaş versiape do otxonobaş st’ilepeşi temas çkina niçinen. Lazuri birapape Okorturas p’olifonuri na ibirinen mara Turkialuri Lazepeşk’elen monofonuri musik’a na ixmarinen oxui3’onapinen do t’radi3ialuri Lazuri gelaçamonepe guda do kemance na ren, doli do zurna Lazuri musik’as na var ixmarinen iç’aren. Birapapeş misalepeşi burmes mtelot 59 nota gez’in. Svaras mgara, destani, nani, ç’andaşi birapape, noderişi birapape, xtimaşi birapape doloç’areli ren. Birapaşi k’orobuş sva, birapaşi coxos k’ap’ulas p’arant’eziş doloxe meç’areli ren.
Ok’vandinuşi t’elefoniş nomeri: 0216 414 97 93
|
TÜRKÇE
