DUDBUT'K'A

LAZİSTANİŞİ TANERİ BEREPE: TEONA

Entepe Zuğaşi Berepeşen ok’ule na ik’idu majurani Lazuri rak’uri grup’i ren. Teona yado coxo gidverenan do sait’i mutepeşis, mutepeşi şeni aşo tkumernan: “Teona, Lazuri k’ult’ura oskedinu do mteli k’oçepes aya eni mskvot o3’iru noğira na uğun, Lazistanişi ağnemordalepeşen teşkili na ren vitoar musik’osoni ar grup’i ren… Lazuri k’ult’uras musik’a namtini oras na iskedinu p’aşurapeşen, namtini orasti ar anek’dot’işen ixvenen. Mara musik’aşi şuris na var iktiren xvala mutxani gonç’ela ren. Dobadona çkinişa do k’ult’ura çkinişa dido mek’ireli voret… Çkin Lazistanişi ağnemordalot mek’iroba çkini o3’iramu şeni gzas gebdgitit… Tkvani k’ala antepe p’atminonan yado vicert.”

Art’aşenişi cincişen na mulun şkvit k’oçi na ren do mtelixolo universit’et’işi mamgure varna universit’et’işen gamaxtimeri na ren grup’is na uqonun musik’osepe antepe ren: Deniz Ayata (Vok’ali), Ali Kaptan (K’lavie), Aydin Akay (Gudastviri), Eren Başural (Bas Git’ari), Mustafa Emrah Bingol (Elek’t’ro Git’ari), Cengiz Tural (Doli), Osman Şinal (Geçamoni Alet’epe), Barış Başural (Elek’t’ro Git’ari), Selin Nebioğlu (Kemani).

Grup’ik X3ala 2005 şen doni Art’aşeni, Rizini, Noğedi, Xemşini, Arkabi do Mp’olis Bakirkoy do Zeytinburnus k’onserepe meçu. Ağani k’onserepe k’ala xolo çkini k’ala iqvasunonan do xolo gonç’ela çkini oç’it’anuşa naqonasunonan.

www.grupteona.anatolianrock.com



                                                                                                                                                              TÜRKÇE