|
RUSETİŞİ EMBARGO
Okorturaşi P’arlament’oşi Dudmaxvence Nino Burcanaz’ek, Rusetik Okorturaşi ğvinis na muğu embargo p’rot’esto qu do, “ Ruseti, TDL (Timoşletineri Devletepeşi Lik’ate) şi terepeşi doloxe xvala Okorturaşa vizaş rejimi uxvenups. A3’iti Okorturaşi ğvinis embargo muğu. Aşoten Okorturas TDLşi doloxe oqopinuşi çkar pasi var doskidasunon.” ya tku. Burcanaz’ek, Rusetik na muğu embargoşi sebebi, ğvinepeşi k’alite var ren ya tku do aşo naqonu, "Ruseti aşopeten Okorturaşa p’olit’ik’uri t’ani o3’iruşa gyoç’k’aps." ya tku.
Rusetik, golaxtimeri tutapes Okorturaşi do Moldoviaşi ğvinepeşi uk’alitobaşi iddiaten Rusetişa amaxtimu mutepeşi k’anoniten dodgitinu. Am dulia Okorturaşi ek’onomişa dido monk’a zararepe meçaps.
Okorturak, Rusetik ğvinepeşk’ule madenuri 3’k’arepesti embargo muğuşi, Turketişen şvela ak’vandu. Okorturaşi Dudnaziri Zurab Noğaideli, Devletiş Naziri Kurşat Tuzmeni k’ala Batumis na qu ok’oxtalas embargo na niğinu ğvini do madenuri 3’k’ariş Turketis gamaçamu şeni ğarğales. Noğaidelik, "Ğvini do madenuri 3’k’ari şeni çkva bazarepe ogoru domaç’ires." ya tku.
|
TÜRKÇE
