DUDBUT'K'A

ATİF YİLMAZİ DOĞURU

Turkuli sinemaşi çinoberi rejisori Atif Yilmazik Maisişi tutaşi ma-6-ani dğas oxori muşis doğuru. Atif Yilmazişi cenaze na i3’ipxu 3eremonia şkule Zincirlikuyuşi sapules idoxinu. Turkuli sinemas, oşişen met’i dido filmi na duxvenu Atif Yilmazik dido çinoberi rejisorepeşiti mamgurapale rt’u. Atif Yilmazi 1926 3’anas Mersinis dibadu. Lise Mersinis na ik’itxu Atif Yilmazi, Mp’olişi Universit’et’işi Xuk’uk’uri Fak’ult’at’is do Mskva Xeşnoxvenobaşi Ak’ademişi masuretobaş burmes ik’itxu.

Atif Yilmazik nak’otxani p’eriodiş morgvalis, filmiş k’rit’ik’osi, masurete do senarist’i qopimot ixanduşk’ule, jur filmis maşveluri rejisoroba duxvenu. 1951 3’anas maartani temaloni filmi na ren “Kanli Feryati” coxoni filmi k’ala rejisorobas kogyoç’k’u. Em tariğişen doni oşişen met’i dido filmi na duxvenu Atif Yilmazişi filmepek na3ionaluri do int’erna3ionaluri fest’ivalepes amaxtu do p’rizepe mogu. Zeki Okteni, Yilmaz Guneyi, Şerif Goreni, Ali Ozgenturki, Halit Refiği steri çinoberi rejisorepeşi ogorus mxuci na meçu şeni 1991 3’anas Hacettepeşi Universit’et’ik emus “Xeşnoxvenobaşi speros ust’at’obaşi” rutbe meçu.

Atif Yilmazi şeni ma-7-ani Maisiş, Mjacxaşi ndğas Beyoğlis na ren “Emek Sinema”s ar 3eramonia i3’opxinu. Ondğeneri nemazişkule Teşvikiyeşi Meçetis na ixvenu cenazeşi nemazişk’uleti cenaze muşi Zincirlikuyuşi sapules idoxinu.



                                                                                                                                                              TÜRKÇE