DUDBUT'K'A

DUDTANGRİŞA HEDİE ZEUSİŞİ HEİKELİ!

Zeusişi Heikeli ixveneren Olimp’ias Krist’eşen 3’oxleni 450-s Elenepeşi dudtangri Zeusişi şuri şeni. Zeusişi Heikeli ixveneren çinoberi heikelt’raşi, P’idiasişk’elen. Muşi pi3arişi isk’elet’işi jin geidvineren okro do filk’ibirişi met’ali k’ortape. Heikelik jin muşi na gexert’u t’abu rt’eren 6,5 met’ro mçirenoba do 1 met’ro mağalobas. Heikeliş ti-muşiti 13 met’roşi mağalobas rt’eren. Muşi marz’gvani xes okaçapt’eren nanatangri Nike. K’vazali xesti uğut’eren mapobaşbiga. Mapobaşbigaşi jin t’eren çkvadoçkva met’alepeşen noxvene medaz’alepe. Mapobaşbiga t’eren zağanoziş dudoni. Zeusi xet’eren t’axtis. Am t’axtis uğut’eren okro, abanozi, filk’ibiriş noxvene do ğirsoni kvalepeş noxvene medaz’alepe. T’axti t’eren umosi efekt’uri heikeli ti-muşişen. Am t’axtişi jin t’eren Elenuri tangrepe do sfenksi steri mist’ik’uri 3xovarepeşi figurepe. Heikelişi t’k’ebi rt’eren filk’ibirişi do muşi pimpili, toma do dolokunepeti okroşi.

Olimp’iat’uri sterape ignapineren p’aganoba oqopinot Maartani T’eodosiusişk’elen 391-s. Am sterape iyasaxineren. Zeusişi Oxvameti geink’ilineren. Kianaşi şkviti mskvanobaşen ar teri na işinen Zeusişi heikeli itirineren ağank’ideri Mp’olişa, em oraşi xampa Elenepeşk’elen. Murenki 462-s na gamaxtu oç’vaşi oras iç’veren Zeusişi heikeliti. 1829-s, Olimp’ias Fransurepek na z’ires do Zeusişi heikelişen rt’u yado na tkves namtini k’ortapeti a3’i ren P’arisişi Luvriş Muzeumis.



                                                                                                                                                              TÜRKÇE