|
TURKİAŞEN ABXAZİAŞİ MEŞVENUPE
K’avk’asia-Abxaziaşi Solidarobaş K’omit’ek, Galendulyaşi Naziri Ali Babacanis kart’ali oç’aruten diasp’oraşi meşvenupe numçinu do Turkiaşk’elen andğaşakis na ixvenu Kortupeşa mxuci meçamoni p’olit’ik’a k’ala na ikips xilafepeşa ok’un3xinu. Galendulyaşi Nazirobaşa oxo3’ononi tek’lifepe na meçu K’omit’ek, meşvenupe muşi aşo eşasvaru:
- Kianas na yeçkindun ağani oğodapeşa memskvaneri dulyape oxvenu do Abxaziaşi oçinuti antepe k’ala oşinu beciti ren yado vicert.
- K’avk’asias Okorturaş 3ent’rulot ağani ar k’aosi var yeçkindas yado ar k’eleni oqopinot na ixvenen silaxişa meşvelus oçodinu dvaç’irs. Va renna artneri k’onari şvela Abxaziaş Resp’ublik’aşati oxvenuten balan3ia oxor3elinu uk’ors.
- Abxaziaşa na iğodinen ambargoşi irişen dido na memoç’irapan tema na ren nunç’işobaşi p’roblemas goşogoruten oçodinu uk’ors. Uçazuğaşi zuğap’icis na ren T’amt’ra do Samsoni steri limanepeşen dudnoğa Soxumişa nunç’işoba şeni t’erit’oriaş kianaşa gon3’k’imu do Turkialuri Abxazepe dobadona mutepeşişa perpot oxtimu k’ala t’erit’orias Turkiaşi akt’ivobaş monz’inu oxor3elasunon. Havaşgzaş nunç’işoba ixvenasna umosi onç’eloni oqopinot dido beciti ar dulya iqvasunon.
- Nunç’işobaşi oxoşkvinoba k’ala ticaret’i na monz’inasunon akt’ivit’e oqopinot Turkiaşk’elen Abxaziaşi limani do obajepeşi otamiru şeni na ixvenasunon k’arta şvela dostobaşi nişani yado işinasunon.
- Artikarti k’ala na guin3’k’asunon matemsilobape, dip’lomat’iuri, p’olit’ik’uri do k’ult’uruli k’ont’akt’epe mordasunon, skidala operpasunon do uvasit’oni ğarğalaşi fursat’i meçasunon.
- Ek’onomiuri do ticaret’uri k’ont’akt’epeşi mordinu şeni Abxazias na skidun Turkiaş Resp’ublik’aşi dobadonamşinepe şeni bank’a gon3’k’imu Turkia k’ala na ren ek’onomiuri rabit’a ok’ap’et’anasunon.
- Soxumişi Universit’eş otamiru k’ala na unon gamantana do gurapaşi teçhizat’iş meçamu na ixvenasunon irişen faidoni ar şvela iqvasunon. Edo xolo amu k’ala universit’eşi p’ansioniş binaşi otamiruti dido manişa oxvenu unon.
- Ağanmordalepe şeni sp’ort’işi k’omp’lek’sepeş ok’idu p’ozit’iuri imaji yeçkindasunon.
- Turkia k’ala umosi xolosoni k’ont’akt’i otesisu şeni t’elevizionişi ç’andinape oseiru na oxor3elasunon dulyape oxvenu beciti ren. Artneri oraloni oqopinot Abxaziaş k’analepeş Turkiaşenti oseiru artikarti k’ala k’ont’akt’i omencelasunon. T’elevizioni do radioş ç’andina oxvenu şeni Turksatişen ar xatiş noçkinu dido beciti ren.
- Artikartoni k’ult’uruli akt’ivit’epeş omxvacinu do osağinu dostoba monz’inasunon do k’ult’uruli artikartoba yoçkindasunon. Turkias na niçkinasunon Diasp’ora varna Abxazuri Oxori steri ar bina dido onç’eloni iqvasunon.
- K’arta ç’eşidoni disp’anseri, p’olik’linik’i, dializiş ok’rebuleşa şursağobaş aracepeşi otedarik’u Abxaziaş xalk’is Turkiaşa na uğun qoropa monz’inasunon do adamiuri omxvacu iqvasunon.
- Oxen3aluri Abxazepeş Turkiaşk’elen gamantanu, dodgineri na ren oxen3aleşa mxuci meçamu yado işinasunon.
|
TÜRKÇE
