DUDBUT'K'A

"OXOT'K'VA3U NA İSİMADEPANPEK İPİŞMANASUNONAN"

İranis, ovro 3’ana na naqonu İrani do İrak’iş limaşi geç’k’apinuş 3’anaşşina şeni na i3’opxinu Nodgitaşi Xvameri Doloni, seramoniapeten dobadonaşi iri svas itebrik’inu. İranişi P’rezident’i Mahmud Ahmedinecadik, “dobadona muşişa oxot’k’va3u na isimadenpek ipişmanasunonan” ya tku. Ahmedinecadik, dudnoğa Tahranis İslamuri gektalaşi go3’oncğoneri İmam Xumeynişi mezareş xolos na ren meidanis na i3’opxinu ofi3ialuri golaxtimuş seramonias ğarğalu.

Ahmedinecadik, “duşmanepek 27 3’anaşen doni ok’omizdapan mara memondaresnati k’arta speros dido movirdit do nodgita k’ala duşmanepeşi iri oğinz’ibuşen mogaperi gamaptit” yado oxo3’onapu. Askerepeşi oxot’k’va3u k’ala İrani gecginu na isimadenanpes, İranişi armias modernuri teçhizat’i do mordineri silaxepe na uğunan k’aixeşa oçkinu dvaç’irnan ya na tku Ahmedinecadik, “Çkar dobadonaşi let’as toli var miğunan. İst’orias, İranişa na oxot’k’va3espek iri oras geicgines do ipişmanes yado meç’areli ren. İranişa oxot’k’va3u na unonanpek xolo ipişmanasunonan.” yado ğarğalu.

”Mo3’qva do huzuri dologzeri ar kiana minonan” na tku Ahmedinecadik, Oşkendayulvas na skidunan millet’epek emniet’i mutepe axor3elinenan do t’erit’oria oktalu şeni xark’işa muxtaci va renan ya tku. Oşkendayulvas na ren uraxat’obaşi sebebi xark’uri mencelepe ren ya na tku Ahmedinecadik, maişgalepe şeni İrak’işi xalk’i k’ai şinan do dixa mutepeşişen gamaxtan ya tku.



                                                                                                                                                              TÜRKÇE