|
PAZARSPORİŞİ GECGİNOBA
2005-2006 sezonis, Turketişi Majurani P'rofe3ionaluri Ligaşa na yextu Pazarsporik ligas kodoskidu. Pazarspori şeni an3'ineri sezoni 3ubuka var iqopinu. Umeloba şeni dido didi noğaşi menceloni t'ak'imepe k'ala k'ap'et'işi rek'abetis amaxtu do çodina muşisti gecginoba komogu. Ar ç'itanoğa şeni Turketişi p'rofe3ionaluri ligas osteru eşo 3ubuka ar sakvari va ren.
Majurani ligas na yulun t'ak'imepeşi didopek iptineri 3'anape muşis eşo ordoşen masumani ligaşa melapan. Oxumç'k'inoba mutepeşişi p'eriodi dido meç'ireli dvaqvenan aşo t'ak'imepeşi do eni beciti p'eriodi mutepeşiti iptineri sezoni dvaqvenan xolo. Pazarspori çkinik am meç'ireli sezonis cgiri p'erforman3ia doqu do na moxtasunon 3'anapes, majurani ligaşi k'ap'et'işi menceloni t'ak'imi na iqvasunonşi mesajepeti çkinda noğiru.
Breli cgiri miçkinanki na moxtasunon 3'anas do 3'anapes, Pazarsporik umeloba şeni var do dido k'ap'et'işi menceloni t'ak'imiş oqopinoba şeni mjvaroni dixapes sakvari muşis naqonasunon. Xvamupt Pazarsporişi gecginobas.
|
TÜRKÇE
