|
AR FİLMİ: "ZUĞURDİ AGA"
Haraptari ren Omjoreyulva Anatolias ar oput’e. İgbali do aga muşi k’ala na skidun dido oput’epe steri. Murenki, Haraptarişi aga, çkin na miçkinan agape steri va ren. Haşmet’oni ren, p’elivani ren. Ar baba uqonun: Abdo. Otxoneçişen umosi 3’aneri ren Abdo. Tolepe muşi udodginu oxorcalepeş jin uğun. Skiri muşişen yani agaşen udodginu oxorca ak’vans. Mç’ima var mç’imaşi, qonape kodolixomen. Xomuloba iqven. Abdo agaşen genomskide anderepe k’ala raxat’obaten skidut’uşi, çkvadoçkva derdepe aqven.
Namtini oput’arepek bağupe muşi gamaçodupan. Baba muşi doğurun. Map’olit’ik’epek moğordinapan. Geç’areliti, menceliti, it’ibariti var uğun çkva. Oput’es oskedinu çkar feide var meçaps. Gamaçaps Haraptari ar-jur k’ap’ik’is. Xalbuki ekonaşis baraji ixvenasunon. Edo let’a ren ğirsoni. Agak Mp’olişa ulun do ocaği muşiten dibargen. Mp’olis na qu iri dulyaşen zarari z’irops. Çkar geç’areliti var duskidun. Çili muşiti, berepe muşi k’ala baba muşiş oxorişa mendulun. Arxvala nana muşi, arxvalati Kirazi doskidun muşi k’ala. Kirazi ren, baba muşi Abdo agak na içilu mara xe na var nusvu k’ai guroni ar k’ulani. Agak şinaps Kirazi baba muşişi emanet’i, murenki Kirazik eya na qorops u3’umer agas. Aga ren namusoni. Emuşen didi 3’aneri na ren do geç’areli na var uğun u3’umer emus. Kirazi ren razi. Ağani ar skidala gyoç’k’aps. Ar aga oqopinot var mara ucoxoni ar k’oçi oqopinot gondunun Mp’olis Zuğurdi Aga.
Rejisori: Nesli Çolgeçen; Senario: Yavuz Turgul; P’roduseri: Kadir Yurdatapan (Mine Filmi); Z’irapaş rejisori: Selçuk Taylaner; Ora muşi: 105 3’uti; Xvenaş 3’ana: 1985; Masağalepe: Şener Şen, Fusun Demirel, Erdal Ozyağcilar, Can Kolukisa, Bahri Selin, Nilgun Nazli, Atilla Yiğit, Celal Perk.
|
TÜRKÇE
