DUDBUT'K'A

LAZURİ XALK'URİ P'ARAMİTEPE

Nurdoğan Demir Abaşişişi Lazuri p’aramitepeşen teşkili na ren svara kogamaxtu. Lazuri Xalk’uri P’aramitepe, ora na ezdips mç’ipaşaşi ar oxandu do dido 3’anapeşi amağepeten mak’itxalepeşi nç’elapeşa niçinen. A3’işakis na var gamiçkvinu 52 Lazuri xalk’uri p’aramitepe na uğun svarak, Lazuri nena do k’ult’uraşi oç’aru şeni ğirsoni ar dulia ikips. Svaras, p’aramitepe Lazuri nenaten ç’areli ren do Turkuli do İnglisuri tercume mutepeşiti xveneri uğun. Svara k’ala xolo Abaşişi k’eleşen k’itxeri p’aramitepeşi ar CDti niçinen. Abaşişi, svara muşis Lazuri Alboni oxmaruten Lazuri oç’aruşi sakvarepeşa ar xandati nunk’limaps. Lazuri Xalk’uri P’aramitepe, amuşk’ule Lazepe, Uçazoğa do K’avk’asiaşi temapes gamaçkvalepe oxvenu na noğiraps Kolkhisişi maartani svara ren. Aşopeten Lazepes majurani ar p’aramitepeşi svarati aqves.

Nurdoğan Abaşişi, Lazuri k’ult’uraşi xandapeşi doloxe ren. “Lazuri P’aramitepe / Laz Halk Masallari” Abaşişişi maartani svara ren do xolo emuk Lazuri Leksepe, Lazuri Notkvalepeşi Leksik’oni, Lazuri Nenoni Nç’arolobaşi K’orobape, Lazonas Na İskedinu P’aşurape do Lazuri Teat’rişi 3adape steri originaluri xandapesti naqonen.

Ok’vanduşi t’ilifonişi nomeri: 0216 349 43 15



                                                                                                                                                              TÜRKÇE