|
"KURDURİ P'ROBLEMA OMORDİNUTEN İÇODEN"
Turkias, Kurdişi realit’eş ok’abulu unon ya na tku Generaluri şt’abişi mcveşi dudmaxvence Hilmi Ozkokik; “Turkia, Avrop’aşi Artonobaşa amalasna, k’oçepes na anç’enan na3ionaluri mogapa 15 şilya dolari mojilasna, xalk’ik muşeburot t’eroriş organiza3ia na ren PKK şa çkva mxuci var meçaps” ya tku. Kurduri p’roblema na ok’oment’aru Hilmi Ozkokik; “Ok’ortinu ek’onari perpu var ren. K’arta svas xor3i do bu3xa steri voret… K’arta ocağis em regionişen k’oçepe miqonunan” yado k’oment’ari meçu. Ozkokişi toliten,
1- Turkias Kurdişi realit’e koren. Xalk’i çkinişi namtinepek, cincinurot Kurdi voret ya zop’onan.
2- Edo xolo Kurdobaşi ideologia do/varna p’olit’ik’a ren.
3- Arti silaxoni ar organiza3ia ren: PKK (Partiya Karkeren Kurdistan – Kurdist’aniş Madulyeşi P’art’ia)
Hilmi Ozkokik “Aya sum çkvaneri organiza3ia do artikarti k’ala na uğunan k’ont’akt’is o3’k’omilu unon” yado isimadeps. Ozkokişi toliten, p’roblemaşi oçodinuş gza “omordinu”şen golulun. Turkiaşi, Avrop’aş Artonobaşi mak’aturobasti PKK k’ala ok’vak’idinus dido beciti roli uğun. Generaluri şt’abişi mcveşi dudmaxvencek “A3’i aşo ar isimadit, Turkia Avrop’aş Artonobaşa amaxteren, k’oçepes na anç’enan na3ionaluri mogapa 15 şilya dolari mojileren. Em oras aşo var ifikrenan. Mk’ule otkuten, 'Turki vore' yado otkuşi tişmo3’ondak 'Kurdi vore' yado otkuşen umosi ğirsoni iqvasna, xalk’ik muşeburot PKK şi omxvacu doçodinaps” yado simada muşiş idia qu.
Ozkokik “Na domaç’irnan dulya, Omjoreyulvas ek’onomiuri k’ai xalepe, k’ai mogapape oxor3elu ren” ya tku mara p’roblema amu k’alati var içoden yado noqonu. Hilmi Ozkokik, k’oçepe “adami yado oşinu”şi becitoba goşinapu do “Am dulya dido beciti ren, k’oçepe adami yado var molaşinitna, ar k’oçik korba inçamins yado noz’i3itna 3’ori var iqven. Tkvan entepes noz’i3apt’atşi majura k’oçepek oxori mutepeşa modvalu mo3’k’imeri amulunan. Entepeşi guri ikipan.” ya tku.
Kurduri gamantanuşi temaşenti na ğarğalu Ozkokişi toliten, Kurduri oguruşi oxoşkvinu p’ozit’ivi ar dulya ren. Mara gamantana Kurduriten oxvenu nenaşi artonoba ok’oxvups do faideti var meçaps. Ozkokik “Turkuli nenaten gamantanu unon, Kurduri nenati mutepek iguran” yado isimadeps.
|
TÜRKÇE
