|
LAZURİ NÇ'ARALOBAŞİ GOŞOGORA: "LAZURİ T'EKST'EPE 2"
Lazuri nç’aralobaşi goşogoraş xususoba na uğun “Lazuri T’ekst’ebi 2-Lazuri T’ekst’epe 2” coxoni svara, Okorturaşi Ak’ademia Me3nierebaşk’elen 1993 3’anas Tbilisis gamiçkvinu. Margali linguist’i Guram K’art’oziaşi go3’oncğonerobas na ixazirinu svaraş redakt’oroba Sergi Cikia, mak’rit’ik’oba K’orneli Danelia do Zurab Tandilavaşk’elen ixvenu. Svaraşi majura redakt’orepeti; Todua, Caqeli do Bok’eria k’ercoxoni k’oçepeşen i3’opxu.
Lazuri t’ekst’epeşi seriaş majurani svaras, Lazuri nenaşi; Xopa, Arkabi-Vi3’e do Art’aşeni-Otinaş dialekt’iten k’orobineri; p’aşurape, hekayepe, leksepe, andazepe do gamaçkinape steri Lazuri t’ekst’epe diliç’arineren. Jur burmeşen 3’opxineri svaraşi maartani burmeşa; Xopa, Arkabi, Vi3’e, Art’aşeni do Otina noğapeşen gamaqoneri p’aşura, hekaye do anekdot’i steri t’ekst’epe, majurani burmesti leksepe, gamaçkinape do andazepe geidvineren. Svaraşi çodinas t’ekst’epeşi matire do madudeşi coxope, na skidut’es dixape do na dibades tariğepe isvarineren. Svaraşi na inç’elinen xususoba; Lazepe na skidunan dixapeş ofi3ialuri coxope muşi k’ala ok’orobinu, edo xolo raioniş coxopeti det’ailurot oxo3’onapu ren.
|
TÜRKÇE
