DUDBUT'K'A

1975 Şİ SURATEPES MUŞENİ VA MENDA3'K'EDİNEN?

Turketuri K'olxepe na skidunan dixapeşi mtelixolo dido xampa do mskva germapunape ren. Aşo dido xampa germapepunas doloxe skidunan mara mutuskani am sakvarişi faide va uğunan.

1999 3'anas na gamaxtu k'anonite Turketişi mtelixolos, 1945 3'anaşen 3'oxle so na germaşi dixa kort'una, an3'ineri oras em dixapek oput'eşi skidalaş doloxe kort'asnati hukumetişi ofi3ialuri let'apeşi doloxe kaezdines. Am p'at'işi oğodabaşen en dido ziani na uğun dobadinamşinepe iqopines Turketuri K’olxepek. Muşeni do, Turketişi doloxe en dido germapuna Yulva Zoğauçaş k'ele ren. 1945 3'anaşi orapeş umosi dido germapuna do ziraat’işi dixape do qonape ren an3'ineri orapes. Hukumetişi ofi3ialuri k'amarapes jur k'ategoriaşi surati ren. Arik ren 1945 3'anaşi suratepek, majurape ren 1975 3'anaş k’uleni suratepek. Turketuri K'olxepeşi dixapes do amus na mengaps emuşi manz'ageri noğapeşi dixapeşi mtelixolos aşo p’roblemi xolo koren.

Egere ar oput'uronis 1945 3'anaşi suratepes, dixa muşiş ziraat’iuri suratepe-muşi kort'asnati, mesela txirepunaşi dixa noç’araleri tapu, lazut’işi dixa noç’araleri tapu, mara an3'ineri oras am dixapes germa kort'asnati. Xolo am dixape oput’eşi varna noğaşa xolos na dixapes kort’asna yani skidalaş nobargaleş doloxe kort'asnati dixaşmancepeşi tapupes xe gedumers Turketişi Germapunaş Nazirobak. Hukumeti k'ala aşo dixapeşi dava na uğun dido dixaşmancepe renan Turketuri K'olxepeş doloxe do hak'k'i mutepeşi mundes na yezdasunonan mutepesti va rti uçkinan.



                                                                                                                                                              TÜRKÇE