DUDBUT'K'A

SARPİS EK'LESİA İK'İDEN…

Sarpişi Cara coxoni ar rak’anis, 2007-şi 5 K’unduras, 3’k’onda do maxvame Okorturaş k’atolik’osi P’at’rik’i İlia 2-şi xvamaten, firma “3ent’r P’oint’i Cgupi”k didi oxvameşi ok’idus kogeç’k’u. Am ek’lesia, 30.000 Lazi Krist’ianoba do dobadona şeni, 1600 3’anas Osmanuri İmp’eriaşi xe gedvinuş oras dudepe muşi nok’vatinuten na iğurinuşi goşinaş noğiraten ik’iden. Am 3’k’ondanepeş goşinuşi dğa ren 12 Maisi. Oxvameşi ginz’enoba 20 met’re iqvasunon do oxvame k’alati ar didi babapeşi monast’eri ik’idasunon.

Arçkva Sarpişi majura rak’anis anşoş-şkvitoş İ.U. 600-700 3’anapeşi nok’ide mcveşi oxvame koren, namutxanişi rest’avra3ioniti ixvenen. Aya jur oxvamepe na k’idupan mteli Sarpuli Lazepe renan do antepes mteli Sarpik do Lazepek muna axvenanan ek’oti nuşvelnan.

K’arsiş akt’iten avt’onomia muşi Turkiaş Resp’ublik’aşi garant’orobas na ren Aç’aristanis, ginz’e 3’anapeşen doni Muslimanepeşa Tbilisiş maktaleşk’elen religiurot na gibaz’ginen do Krist’iani noktinuş aktivit’epes na niqoninen dido k’ai içkinen. Mara xalk’i muşiş Muslimani oqopinu, Aç’aristanişa avt’onomia meçamuşi dudari sebebi iqveret’u. Edo xolo Okorturaş 3ent’ruli maktaleşi, Lazepeşa do Aç’arepeşa asimila3ia oxvenu k’arta oras naqonu do Avrop’aluri misionerepekti Muslimani xalk’i Krist’iani noktinu şeni finansiuri meşvela do çkvadoçkva hediepe meçamuten kesifi aktivit’epe qves. Andğaneri ndğasti aşo aktivit’epes xolo naqonopan. Muslimani xalk’isti ek’onomiuri do p’olit’ik’uri gebaz’gaşi sebebiten Krist’iani noktinu naç’irenan.



                                                                                                                                                              TÜRKÇE