|
GURAMİ AR REJİSORİ: OMER KAVUR
Realist’i do sada oxo3’onapa muşiten na içkinen Omer Kavuri 1944 3’anas Ank’aras dibadu. P’arisis sinemaşi gamantana ezdu. Mağali Jurnalist’obaşi N3’opula do So3ialuri Çkinobapeşi N3’opula notamamu. Sorbonneş Universit’et’işi Sinemaş İst’oriaşi Burmes mağali lisansi qu. Mp’oli, Ank’ara, İzmiri k’ala Ataturki do Dolorubaluri Xincepeşi dok’ument’uri filmepe yeşiğu. Refik Halid Karayişi artneri coxoni xvenaşen sinemaşa adapt’a3ia na qu “Ğula Emine" ten maartani ginz’e met’rajoni filmi muşi yeşiğu. Omer Kavurik didi noğapes na skidunan berepeşi xvalanoba do uçareloba na oxo3’onapu “Yusufi do Kenani” coxoni filmi muşiten coxo muşi ognapu.
Senario muşi na ç’aru, rejisoroba do p’rodiuseroba muşi na qu “Dobadonaşi Oteli” Turkuli sinemaşi ist’oriaş iptineri 10 xvenaşen ar teri i3xunu. 2002 3’anas na yeşiğu “Ok’onaga”ten 40. Ant’aliaşi Okro Portuk’alişi Filmiş Fest’ivalis şkviti p’rizi niçinu Omer Kavuris. Lenfişi k’anseri na ağodu Omer Kavuri 12 Pukrik’a 2005-s şuri muşi Ğormotis meçu. Zincirlikuyuşi oğuruneles let’as niçinu. Xvala rejisori oqopinot var, senarist’i oqopinotti artikartişen gagnaponi filmepes imza gedveret’u.
Rejisoroba na qu filmepe: “Ok’onaga” (2003), ”P’at’roniçe” (2003) - [TV-şi filmi], ”Xuti xanç’aloni avize” (2003) - [TV-şi filmi], ”Beybaba” (2003) - [TV-şi filmi], ”Angelozepeşi oxori” (2000), ”Ak’rebişi magzaloba (1996), ”Qoropa şeni utkveri mtelxolo-ok’ok’ata” (1995), ”Mpuleri nunk’u” (1991), ”Seris magzaloba” (1987), “Dobadonaşi oteli” (1986), ”Uşveloni gza” (1985), ”Korebe” (1984), ”T’iba” (1982), ”Ç’vinoni ar qoropaş ambari” (1981), ”Ah mskva Mp’oli (1981), Yusufi do Kenani” (1979), ”Ğula Emine” (1974).
Senario mutepeşi na ç’aru filmepe: “Ok’onaga” (2003), ”Xuti xanç’aloni avize” (2003) - [TV-şi filmi], ”Beybaba” (2003) - [TV-şi filmi], ”P’at’roniçe (2003)- [TV-şi filmi], ”Angelozepeşi oxori” (2000), ”Ak’rebişi magzaloba“ (1996), ”Qoropa şeni utkveri mtelxolo-ok’ok’ata” (1995), ”Seris magzaloba” (1987), “Dobadonaşi oteli” (1986), ”Korebe” (1984), ”Ah mskva Mp’oli” (1981), ”Ç’vinoni ar qoropaş ambari” (1981), ”Yusufi do Kenani” (1979), ”Ğula Emine” (1974).
P’rodiuseroba muşi na qu filmepe: ”Guris na miğun koşki var miğut’asna” (2002), ”Ak’rebişi magzaloba” (1996), ”Seris magzaloba” (1987), “Dobadonaşi oteli” (1986), ”Uşveloni gza” (1985), ”Ar xlip’oni qoropa” (1984), ”Korebe” (1984), ”Mine” (1982), ”T’iba” (1982), ”Ah mskva Mp’oli” (1981), ”Ç’vinoni ar qoropaş ambari” (1981), ”Yusufi do Kenani” (1979).
Emus na niçinu p’rizepe:
19. Ant’aliaşi Okro Portuk’alişi Filmiş Fest’ivali- İrişen k’ai rejisori (Ç’vinoni ar qoropaş ambari)
24. Ant’aliaşi Okro Portuk’alişi Filmiş Fest’ivali- İrişen k’ai rejisori (Dobadonaşi oteli)
25. Ant’aliaşi Okro Portuk’alişi Filmiş Fest’ivali- İrişen k’ai rejisori (Seris magzaloba)
4. Ank’araş Filmişi Fest’ivali- İrişen k’ai rejisori (Mp’uleri nunk’u)
40. Ant’aliaşi Okro Portuk’alişi Filmiş Fest’ivali- İrişen k’ai rejisori (Ok’onaga)
40. Ant’aliaşi Okro Portuk’alişi Filmiş Fest’ivali- İrişen k’ai senario (Ok’onaga)
15. Ank’araşi İnt’erna3ionaluri Filmişi Fest’ivali- İrişen k’ai rejisori (Ok’onaga)
2003 Sinemaş Avt’orepeşi K’erk’eli - İrişen k’ai rejisori (Ok’onaga)
2003 Sinemaş Avt’orepeşi K’erk’eli - İrişen k’ai senario (Ok’onaga)
9 Ank’araş Filmişi Fest’ivali - İrişen k’ai rejisori (Ak’rebişi magzaloba)
9. Ank’araş Filmişi Fest’ivali - Onat Kutlar İrişen k’ai senarioşi avt’ori (Ak’rebişi magzaloba)
11. Adanaş Okro Kozaş Filmişi Fest’ivali - İrişen k’ai senario (Ak’rebişi magzaloba)
16. Mp’olişi İnt’erna3ionaluri Filmişi Fest’ivali - İrişen k’ai rejisori (Ak’rebişi magzaloba)
1997 Sinemaş Avt’orepeşi K’erk’eli - İrişen k’ai rejisori (Ak’rebişi magzaloba)
|
TÜRKÇE
