DUDBUT'K'A

DUDNAZİRİ REFİK SAYDAM

1881-s, Mp’olis dibadu. Malimuri Medi3inaşi Fak’ult’et’işen gamaxtimeri ren hekimi oşdudi oqopinot. Berlinişi Malimuri Medi3inaşi Fak’ult’et’is, Brandenburgi, Danzigi, Spandou do Scharites ik’itxu. Muderrisoba qu Darulfununiş Medi3inaşi Fak’ult’et’is. Balk’anişi limaş oras, Ant’alya do Çatalcaşi front’is dulyape qu k’oleraşi zabunobaşa nodgitu şeni. 1914-s, Oput’urgomorgvaşi Generaluri Cank’ap’et’obaş İnsp’ek’terişi manuşvale iqu. Am p’eriodişi doloxe, oteşkilu Bakt’eriologiaşi İnst’it’ut’i. T’ifo, dizant’eri, veba do k’oleraşi gemp’onape; t’et’anosi do dizant’erişi serumepeşi omralus gza meçu akonaşis. Maartani kianuri limaşi morgvalis, Osmanuri armiaşi gemp’ona do serumişi dvaç’iroba aşopeten iz’irinu. Ep’idemiuri zabunobaten ok’vak’idinus naqonu front’işi dulyaobas Hasankales.

T’ifusişa nodgitu şeni na xaziru gemp’onak amaxtu medi3inaşi lit’erat’uraşa. Am gemp’ona ixmarinu Maartani kianaş limas Germaniaşi armiaşk’elen do Oxoşkvaşi limas. 1919 3’anas, maçxorani k’orp’usiş Cank’ap’et’obaşi İnsp’ekt’oriaşa manuşvale oqopinot, Mustafa Kemali k’ala artot Samsonişa na yextupeşi doloxe rt’u. Erzurumis Mustafa Kemalişi k’arargaxi yeiç’k’odinuşi, i3xunu Erzurumişi malimuri oxzabuneşi infek3iuri zabunobapeş burmeşi şefobaşa. Murenki k’abuli var qu am dulya. Naşkvu armia. Ak’atu Erzurumi do Sivasişi k’ongresepeşi xandapes.

1920-s Beyazitişen dep’ut’at’i 3xuneri amaxtu meclisişa. Majurani p’eriodişen geç’k’uten Mp’olişi dep’ut’at’i iqu. Artneri 3’anas, i3xunu Cank’ap’et’oba do So3ialuri Şvelaşi Naziri. İqu Turkiaş Resp’ublik’aşi maartani Cank’ap’et’oba do So3ialuri Şvelaşi Naziri. 14 3’anaşi morgvalis naqonu am misias. Am p’eriodis, cank’ap’et’oburi dulyaobapeşa mxuci meçu. 1924-s Ank’ara do ok’uleti Erzurumi, Diyarbakiri, Sivasi do majura dido noğas oxzabunepe, obadobaluri do bereluri oçvaluroxorepe gon3’k’u. Am speros na ixandasunt’u p’ersonalepe omralu şeniti, cank’ap’et’obaşi k’ursepe, medi3inuri mamgurepeşi oncironi oxorepe gon3’k’u. 1928-s k’idu Hijienobaşi İnst’it’ut’i do n3’opula, Mp’oli do Ank’arasti tuberk’ulozi k’ala ok’vak’idinaşi disp’anserepe.

1938 3’ana şk’ule Doloxeni Dulyapeşi Naziroba, Xalk’işi Resp’ublik’uri P’art’iaşi generaluri mdivanoba do 15 3’anaşi morgvalisti Mç’itatutaşi dudmaxvencoba qu. Germanuri do Fransuli nenape uçkit’u. 11. do 12. xe3alapes Dudnaziroba qu (1939- 1942). Uçilu na rt’u Refik Saydami doğuru 7 X3alaşi tariğis Mp’olis.



                                                                                                                                                              TÜRKÇE