|
TURKULİ - ABXAZURİ OĞARĞALUŞİ REXBERİ
K’avk’asiuri k’ult’uraşi cinconi xalk’epeşi ist’oria, k’ult’ura, nena, ç’aralobaşi temapeten gamaçkvalu na noğiraps Chiviyazilari Gamamçkumaleşi Mjoraşi Svaraşxanaşk’elen 2007 3’anas, “Turkuli-Abxazuri Oğarğaluşi Rexberi do Leksik’oni” coxoni svara gamiçkvinu. 1973 3’anas Soxumis dobaderi, Abxaziaşi Oxen3aluri Universit’eşi Ek’onomiaş Burme çodineri Gunda Ankuabişk’elen noxazire svaraşi edit’oroba Murat Papşuşk’elen ixvenu.
Svaraşi go3’otkvales Filologiaşi Doçent’i Ludmila A. Hibbak; “Abxazurişi becitoba hemi Abxazias hemiti diasp’oras çkar oras na var t’u k’onari manz’inu. Abxazuri ‘oxen3aluri nena’ st’at’u na uğun nena ren. Abxazuri, k’arta oras na manz’inen fonk’sionoba muşi k’ala nç’ela muşiti manz’inen. Diasp’oras na skidun Abxazepeş timoşletinoba na mogu dobadona mutepeşişa uk’uniktinuti manz’inen. Emuşeni Abxazuri na var uçkinan do oguru na unonanpeti manz’inenan do aya oçodinuşi p’roblema nikten. Oğarğaluşi am rexberi, Abxazi rt’as varna va rt’as Abxazuri na var uçkin mara oguru na unon adamepeşa nuşveluşi noğiraten ixaziru” ya zop’ons.
Svaraşi amaxtimales Abxazepe do Abxazuri temaloni ar st’at’aiti kogez’in. Temape, Kiriluri temeloni Abxazuri alboni do Latinuri transk’rip’sionepe k’ala artot niçinen. Abxazurişi masdariş format’i do masdarepeşi tasrifiş oxo3’onapu şk’ule normaluri skidalas na dvaç’irs generaluri çkinape do na ixmarinen generaluri tkvalape iç’arinen. Svaraşi çodinales Turkuli-Abxazuri mk’ule leksik’oni koren.
Ok’vanduş t’elefonişi numeri: 0216 414 91 13
|
TÜRKÇE
