|
P'ROFESORİ AK'AK'İ XORAVA
Ak’ak’i Xorava dibadu 29 İgrik’a 1895-s, Samargaloşi noğa Çxoro3’k’uşi oput’e Oçxomuris. İk’itxu K’ievi do Tbilisişi Universit’et’is (1915- 1919), ok’uleti A. N. P’agavaş Teat’rişi St’udios (1922). 1923-şen geç’k’uten i3xunu masağale do maxvenale Şota Rustavelişi Ak’ademiuri Teat’ris (1936). Ok’uleti iqu am teat’rişi umçane (1955) do maktale Tbilisişi Şota Rustavelişi Teat’ruli İnst’it’ut’işa (1939- 1949). P’rofesori rt’u Tbilisişi Oxen3aluri Universit’et’is (1947). 1924-şen geç’k’uten, filmişi sakvariş doloxe rt’u.
Na qu sakvarepeş sebebiten, Soviet’epeşi dobadonaşk’elen emus niçinu p’rizi (Gosudarstvennaya Premiya) 1941, 1946 do 1951-s teat’ruli sakvarepe muşi şeni do 1943 do 1946-s filmi “Giorgi Saak’az’e”s irişen k’ai masağalot. Leninişi medali do çkvadoçkva xçetomanobape niçinu; “Soviet’epeş dobanonaşi xalk’uri maxeşnoxvene” (1936). Ak’ak’i Xoravak şuri muşi Ğormotis meçu 23 Mbulora 1972-s.
Okorturas Sovietari oktala geidginuşi, am oğodak unç’u Okorturaş teat’rişi rdalasti. 1930-epes, teat’ruli xvenapeşi dudtema rt’u madulyepe, oput’arepe do Sovietari magektalepeş xasietepe do k’olmanuri dixape varna fabrik’apes udodginu do udoç’k’indinu na ixandept’u madulye do maxaçkalepeş skidalaşi o3’iru. 1940-s, teat’rişi noğira iktiru. Edo geifok’usu Okorturaşi mcveşobas, na3ionalizmaşa mxuci meçamuşi simadaten kianuri majurani limaşi morgvalis. 1950-epes, tamaşepek geintemelinu Avrop’uri maç’arelepeşi xvenapeşi jin: Şeksp’irişi Ot’elo, Ant’oniusi do K’leop’at’ra, 2. Ricardi; Sofok’lesişi Oidip’osi; Lop’e de Vega, K’arlo Goldoni, P’ierre Augustin Beaumarchais, Bernard Shav, Aleksander Puşk’in, Mixail Lermont’ov, Nik’olay Gogol, Fyodor Dost’oevsk’i do majurapeşi. Am p’eriodik omralu uk’ore3xu maxvenale do maktalepe Okorturas.
|
TÜRKÇE
