|
ENDONEZİAS DİXAŞK'ANK'ALA
Endoneziaşi şkaguroni eyalet’i muşi na ren Cavas na iqu dixaşk’ank’alaş k’ule no ğuru adamianepeşi nak’onoba manz’inu do 3000 iqu. Dixaşk’ank’alaşi k’at’ast’rofak p’erişani na iqu xalk’i umuteli do umiteli doskidu. So3ialuri Dulyapeşi Nazirobaşen Sopar Jayak, ”Dixaşk’ank’ala na iqu oraşen 12 saat’iş kule na ğurespeşi nak’onoba 2727 rt’u do ğureli do iyaranerepe didopeten Bantul coxoni t’erit’oriaşen ren”- ya tku. Endoneziaşi Mç’itacvarişen Arifin Muxadik, “Na ğurespeşi nak’onobak omanz’inus noqonu,”- ya tku. 3000-şen met’i adamianiti diyareneri na rt’uti ognapu. Mtini do namusoni ambarepe na meçapt’u jurnalist’epek oput’arepek dido didi sapulepe xazirapt’es yado iris ognapes. Şkaguroni muşi Yogyakarta coxoni noğa na rt’u dixaşk’ank’ala 2004 şi 3’anaşi 3unamişk’ule, Endoneziak na z’iru irişen didi k’at’ast’rofa iqu.
Avrop’aşi K’avşirik şkaguroni Cavas na geçu dixaşk’ank’alaşk’ule, aciluri dulyape şeni 3 milioni Avroni aciluri adamianuri şvela meçu. Turkuli Mç’itatutakti Endoneziaşi şkaguroni t’erit’oria muşis na iqu dixaşk’ank’alaşi sebebiten 3 ek’sp’ertoni ar aciluri p’ozi3iuri k’erk’eli, umuteli xalk’işi derdepe goşogoru do şvela meçamu şeni mendoçku. Endonezias na iskidinu 3unami k’at’ast’rofaşk’ule Banda Açe coxoni raionis rehabilit’a3iaşi dulyape na ikipt’u Turkuli Mç’itatutak, dixaşk’ank’alaşk’ule astaxolo, xalk’işi ixt’iyacepe goşogoru do k’rizuri administ’razias mxuci meçamu şeni 3 ek’sp’ert’i muşi logist’iuri mxuci meçamu şeni k’at’ast’rofaşi t’erit’orias mendoçku. Turkuli Ç’itatutak dixaşk’ank’alaşk’ule astaxolo Endoneziaşi Mç’itacvarşa mesaji nuncğonu do k’arta şvela şeni xaziri na rt’u entepes ognapu.
|
TÜRKÇE
