|
YULVA TURKİSTANİS K'VİNCİŞİ GRİP'İ
Çinetişi Xalk’uri Resp’ublik’aşa mek’ireli na ren Yulva Turkistanis varna Sincan Uyguri coxoni t’erit’orias okotumaleşi skindinapeşi şkas “k’vinciş grip’i”şi zabunoba iz’iru. Ağani Çineti coxoni ambaruli agent’obak dulyaşi ambari kianas ognapu. Ambaruli Agent’obak Çinetişi Xalk’uri Resp’ublik’aşi Xaçk’aşi Nazirobaşen na ognu ambari, astaxolo ognapapu. Ambaruli agent’obak, “Xetiani coxoni raionis, okotumaleşi skindinapeşi şkas “H5N1 virusi” na z’iru a3’i oxoi3’oni,”-ya tku. Tema şeni detalurot ambari var niçinu. Am zabunobak skindinapes mundes zarari na meçu do nak’o skindina am zabonobaşen zarari na z’iru şeni ambarepe var ignapapu agent’obaşi k’eleşen.
2005 3’anaşi Gimua tutaşen doni a3’işakis, Çinetişi Xalk’uri Resp’ublik’aşi mteli t’erit’orias, okotumale skindianape do na mulun-ulun k’vinçepeşi şkas 30-şen met’i çkvaneri raionis “k’vinciş grip’i”şi vak’a iz’iru. “K’vinçiş grip’i”şi illetik Aziaşi k’ont’inent’is goşobğus kogyoç’k’u. Edo ofi3ialuri figurepeşi toliten, 2003 3’anaşen doni a3’işakis 128 adamiani am zabunobaten doğuru do 200 milioni msvaloni skindinati doğuru varnati doğurinu. Am zabunobak umuteli terepeşi umuteli xalk’epes dido zarari meçu do am terepeşi ek’onomiapeti dosap’arinu.
|
TÜRKÇE
