DUDBUT'K'A

LAZİSTANİŞİ GOLAPE (T'AMT'RA)

T’amt’raşi dixapeş nanç’inerot %10 zeni ren. Zoğap’icişen imendranaşi na imağalen okti do germapuna, golaşi t’urizmi şeni moxva nikten. T’amt’raş golapeş doloxe beciti na renanpe; Şolima (Maçxa), Uçagerma, Xidirnebi, Çamxomula (Akçabati), K’avağoni, Kvancire, Tolxasani (Vakfikebiri), Şkaqomuri, Sağroput’e (Tonia), Ç’ibazari (Arakli), T’ibaginz’e (Çaik’ara), Xanoferi, Dudmemba, Lap’azani, T’axerona, K’ut’alona (Oput’zeni), Germampula (Şalbazari), K’arvona (Dudbazari), Didbardi, Cunisi (Xairati) yado molişinen.

Gola Şolima: Maçxaşen gulvaşk’ele 22 k’m let’agzaten ilinen. Gzaşi 16 k’ilomet’re xampa flora na uğun germa Kuliniş doloxe golulun. 1.700 m mağaloboni golas irxolo xizmet’i çodineri uğun.

Gola T’ibacğat’a: Sumelaşi gzaşen 95 k’m mendranoba do 2.504 met’re mağaloba na uğun golaşi gomorgvas; M3xulepuna, Kvat’axeri, Ğaloni, Ayk’arsa, Livaida, T’ibaxomula, Mesaraşi, Furnona, K’asabiskiri, Xurxicami, Oşkenona do Ğalip’ici coxoni golape ren.

Gola Uçagerma: Akçabati- Oput’zenişi gzaşen 12. k’ilomet’reş k’ule gulvaşk’ele 28 k’m let’agzaten ilinen. 1.946 m mağaloboni gola xampa oksijeni muşiten purpuş zabunepeşi favori sva ren. İrxolo xizmet’i çodineri golas mt’k’uri skindinapeti dido skidun.

Golape Xidirnebi do Çamxomula: Akçabati- Oput’zenişi gzaşen 12. k’ilomet’reş k’ule gulvaşk’ele 12 k’m let’agzaten ninç’işinen. 1.742 m mağaloboni golas irxolo xizmet’i çodineri uğun. Mt’k’aş doloxe mgeri, meli, mç’apu steri mt’k’uri skindinapes ixosarinen do fot’o safari ixvenen.

Gola Dixasazi: Toniaşa 24 k’m mendranobas, Şkaqomurişi T’urizmuli Ok’rebuleş 5 k’m gulvaşk’ele na ren golaşa let’agzaten ninç’işinen. 1.700 m mağaloboni golaşi irxolo xizmet’i çodineri ren.

Gola Germampula: 1.850 m mağalobas na geladgin golaşa, Şkaqomurişi T’urizmuli Ok’rebuleş 25 k’m gzaş k’ule ninç’işinen. K’arta 3’anas X3ala tutaşi masumani Sabat’oniş dğas Germampulaşi şenoba ixvenen.

Gola Lap’azani: 27 k’ilomet’roni st’abilize gzaten na ninç’işinen golas uğun zoğaşen 2.200 m mağaloba. Oşiruşa na naxondinen flora, çimişstvina oxvenu şeni moxva ren. Uelaçameri golaşa na dvaç’irs kamp’işi do temeluri malzemepeş oğu unon.

Gola Şkaqomuri: Toniaşen omjoreşk’ele 24 k’m let’agzaten na ilinen golas 1.800 m mağaloba uğun. Şkaqomurişi T’urizmuli Ok’rebule, gola K’adirga, Çatmona, Dixasazi, Zigana, Kenişa na ulun ok’ogzas ren.

Gola K’adirga: Şkaqomurişi T’urizmuli Ok’rebuleş 14 k’m yulvaşk’ele na ren gola, 2.300 m mağalobas geladgin. K’arta 3’anas X3ala tutaşi masumani P’araskeş dğas na ixvenen şenobaşa şilyapeten adamepe ak’atenan.