DUDBUT'K'A

KORTUPEŞİ İST'ORİA

“Nenaşen Religiaşa, Ç’aralobaşen Xeşnoxvenobaşa Kortupeşi İst’oria” coxoni svara Gamamçkumala Antişk’elen 1993 3’anas Mp’olis gamiçkvineren. Fahrettin Çiloğluk na ç’areren do Kortupeşi temas Turkias gamiçkvineri iptineri xanda ren do Turkialuri Kortupeşen ambari meçaps yado idia na ixveneren svaraşi go3’otkvale, Cemal Şenerik ç’areren.

Svaraşi doloxe; Generaluri amaxtimala, İst’oria, Turkialuri Kortupe, K’ult’ura yado burmepe do Kortupe mi ren, Nena, Alboni, Religia, Nak’onoba do dogargoba, Ç’araloba, Tiat’ro, Sinama, Xeşnoxvene, Musik’a yado mdudepe ren. Svaraşi çodinasti; 3’k’onde Nino, Magedgine Davit, 3. Giorgi, Nanmapa Tamar, 6. Vaxt’ang, 2. Erek’le, Giorgi Saak’az’e, Şota Rustaveli, K’at’edrali Sioni, Ek’lesia Samtavisi, Ek’lesia Svet’i3xovli, Manast’iri Gelatişi fot’ografepe gedveri ren.

Faşist’i Kartvelepeşi odudepeşen ezdimeri do Kartvelist’uri ist’oriaşi tezepeşa do ofi3ialuri ideologiapeşa maxizmet’oba xveneri svaras; Margali-Lazepe, Kortupeşi k’lani ren do Margaluri-Lazuri nena, Kortulişi dialekt’i ren yado iç’aren. Diasp’ora yado na i3’k’edinen Turkialuri Muslimani Kortupeşa, Krist’iani Kartveluri k’ult’uraşi p’rop’aganda ixvenen.

Ok’vanduş t’ilifonişi nomera: 0212 249 12 30



                                                                                                                                                              TÜRKÇE