DUDBUT'K'A

OKORTURAŞİ DEMOK'RAT'İURİ RESP'UBLİK'A

Okorturaşi Demok’rat’iuri Resp’ublik’a ren, Okorturaşi 1918- 1921 3’anapeş oşkendas timoşletineri p’eriodişi coxo. Okorturaşi Demok’rat’iuri Resp’ublik’a geidginu, Çarobaşi Rusiaş goşobğinus gza na meçu 1917 3’anaşi gektalaş k’ule. Okorturaşi Demok’rat’iuri Resp’ublik’aşi olandeş k’ele Olande K’avk’asiaşi Resp’ublik’a do Rusia, omjoreş k’ele Osmanuri Oxen3ale do Armeniaşi Demok’rat’iuri Resp’ublik’a, omjoreyulvaş k’ele Azerbaycanişi Demok’rat’iuri Resp’ublik’a rt’u. Nananoğa Tbilisi, ofi3ialuri nena Kortuli na uğut’u Okorturaşi Demok’rat’iuri Resp’ublik’aşi dixaşzoma 107.600 k’m², nak’onoba 2,5 milyoni rt’u.

Okorturaşi Demok’rat’iuri Resp’ublik’aşi timoşletinoba ignapinu, T’ransk’avk’asiaşi Sovieturi Sosialist’uri Federaluri Resp’ublik’aşi goşobğinuş k’ule, Sosialuri Demok’rat’iuri Menşevik’epeş k’elen 26 Pukrik’a 1918 tariğis. Okorturaşi Demok’rat’iuri Resp’ublik’ak doloxeni do galeni p’roblemape var oçodinuşakis Rusiaşi Federaluri Sovieturi Sosialisturi Resp’ublik’aşi Mç’ita Armiaş k’elen xe geidvinu do K’undura-Mirk’ani 1921-s Okorturas, Sovieturi Resp’ublik’a geidginu.



                                                                                                                                                              TÜRKÇE