|
AR FİLMİ: DAPA
“Dapa” ren Kurduli nenaten yeşiğeri ar filmi İranis. Filmik oxomo3’onapapan İranişi germapes na iskedineren dramat’iuri ar p’aşura. Namtini kimoli mamgurapalepek mendranuri İranişi Kurdistanis, germapeşi şkas k’uçxeşgzapes ekole akole gulunan. K’ap’ula mutepeşis dapapeten, ar oput’eşen majuranişa nulunan do mamgurepe gorupan. Xeşpasi var uğunan do emuşeni. Mtini gi3’vat na, oç’k’omuşi mç’k’iditi var uğunan t’urva mutepeşis. Jin mutepeşis malimuri ar helik’op’t’eriş xonari ognapan. Dapa mutepeşiş tude impulnan.
Am mamgurapalepeşen ar teri na ren Saidik ok’oi3’k’en megabrepe muşişen. İran-İrak’işi şkas, k’ap’ula mutepeşis xireri mali na tirups ağanmordalepe k’ala ok’vagen. K’arta gza 3adups Saidik, ağanmordalepes ok’itxu-oç’aru oguru şeni. Mara var axvenen. Meşkvineri ar oput’eşa na nunç’işun Saidik, oput’eşa mamgurapalot na moxtu oxo3’onapu unon mara mitik var inç’els am dulya. Gzas ok’vagen namtini badepe k’ala Saidik. Am badepe renan, namupek na imt’es Saddamişi kimialuri silaxişen. Am k’oçepek ulunan do mulunan ekolen akoleşa germapes. Badi na ren am xalk’is unon oğuru na dibades dixapes. Am badepeşen ar teris uqonun ağanmordale şira ar k’ulani. Coxo muşi Halalex na ren k’ulani muşi okimocinu unon, ğura muşişen 3’oxle. Mara Saidis uğun oçilu şeni oxorcas meçamuşi arxvala mutxani: Dapa.
Maktale: Samira Makhmalbaf; Senario: Mohsen Maxmalbaf, Samira Maxmalbaf; Oz’iramuşi maktale: Ebrahim Ğafori; Masağalepe: Said Mohamadi, Behnaz Jafari, Bahman Ğobadi, Mohamad Karim Raxmati, Rafat Moradi; Filmişi sort’i: Drama; Dobadona muşi: İrani, İt’alia, Jap’onia; Xvenaşi 3’ana: 2000; Nena muşi: Kurduli; Ginz’enoba muşi: 76 3’uti; Maxveneşi firma: Maxmalbaf Productions; Oz’iramuşi tariği: 21 St’aroşina 2001; Filmişi originaluri coxo: “Texte Reş”.
|
TÜRKÇE
