DUDBUT'K'A

OKORTURAS ETNOGRAFİURİ MAGZALOBA

Tbilisişi Universit’eş 1998 3’anaşi gamaçkvala na ren svara, 3’ilva 1999 tariğis gamamçkumala Çiviyazilarişi seria Mjoraşk’elen Mp’olis gamiçkvinu. Otar Miminoşvilik na ç’aru do Kortulişen Turkulişa Hacer Ozkanik (İremaz’e) na goktiru svara, Ozcan Sapanişk’elen gamaçkvinuşa ixazirinu. Svaraşi redakt’oroba, P’rof. Vaxt’ang Şamilaz’e do P’rof. Amiran Gomarteli, mak’rit’ik’oba P’rof. Otar Xmalaz’e do Nodar Şoşitaşvilişk’elen ixvenu.

Svaraşi k’ap’ula motragales; “Okortura, kianas ç’araloni k’ult’ura k’ala iptineri ok’oçineri dobadonapeşen ar teri ren. “İst’oria na geoç’k’u” dixaşi “kianaş doloxe majura kiana”, K’avk’asiaşi svaloni xalk’epek na yoçkindes menceloni noğarobapeşen ar teri na ren manz’ageri dobadona şeni oçkinu na mik’ornan dido mutxani ren. St’alinişi, Şevardnaz’eşi dobadona ren. Mara efsane mapa Tamara, Mayak’ovski, Dumbaz’eti Okorturaluri rt’u. “Okorturas Etnografiuri Magzaloba” Kortupeşi, Margalepeşi, Abxazepeşi, Osetepeşi, Svanepeşi dobadona oçinu şeni maartani teşebusi ren. Oşi do vitoşi 3’anapeşen doni ok’oç’aberi na pskidip, na oxoviktit, mzaxali na viqvit xalk’epe do k’ult’urape k’ala ok’oçinu, na iç’it’anen andğaneri kianas dvaç’irobaşen ekole mecburieti ren yado oz’iru unon. Miminoşvilik, hemi dido xolos hemiti dido mendra na niqonunan mzaxalepe çkini k’ala ok’omoçinapan…” yado iç’aren.

Svaras; Tbilisi, K’axeti, Tuşeti, Xevsureti, Pşavi, Xevi, Mtianeti, Ksnis Xeoba, Kartli, Sam3xe-Cavaxeti, Aç’ara, Guria, Samegrelo, Apxazeti, Svaneti, Raç’a-Leçxumi, İmereti k’ortapeşi ananuri skidala oxoi3’onapinen. Maç’arek mecburi oxo3’onapa muşis; “Am svaraşi noç’arepe, ubeduri dobadona çkinişi dixapes Abxazia do Samaçabloşi (Omjore Osetia) p’roblemepa na var t’u orapes iç’arinu. Andğas, am svaraş gamaçkvinuşi şansi maqves. Bolaki, mcveşorape steri Okorturaşi k’arta k’ortak, mok’itxe mutepeşis ikrami na oğodasunon dğalepe manişa komemagenan!” ya itkven.

Ok’vanduş t’ilifonişi nomera: 0216 414 91 13



                                                                                                                                                              TÜRKÇE