DUDBUT'K'A

KANİ ŞENGUL EKŞİOĞLU

Kani Şengul Ekşioğlu dibadu 1942-s Rizinişi noğa Vi3’es. Doçodinu Mp’oliş Universit’eşi Xuk’uk’işi Fak’ult’e. Edo kogeç’k’u oxandus timoşletineri advok’at’ot. Kani Şengul Ekşioğluk k’idu Gamamçkumala “Tel”, ok’uleti Gamamçkumala “Yasa”. 1978-sti kogeç’k’u gamoçkvus jurnali “Yasa-Hukuk” (“K’anoni-Xuk’uk’i”). Emuk na ç’aru xuk’uk’uri mevzuatişi uk’ore3xu st’at’iape gamaçkvineri ren çkvadoçkva jurnalepes. Emus uğun “Svalonuri Maktalobaşi 3xunaş Xuk’uk’i”, “Utironi Zilyetobaşa Tecavuzis Maktaluri Nodgitinu” do “Silaxuri Xuk’uk’i” coxoni svarape.

1996-şen 1998-şakis Mp’oliş Baroşi Dudmaxvenceş manuşvale na rt’u Kani Şengul Ekşioğlu, Mp’oliş Baroşi Gamaçkvalaş K’omisiaşi dudmaxvence rt’u 2002-şen 2004-şakis. 9 Gimua 2004-s şuri muşi Ğormotis na meçu Kani Şengul Ekşioğluşi cenaze niçinu let’as Karacaaxmetişi oğurunales, meçeti Şişlis xveneri cenazeşi nemaziş k’ule.



                                                                                                                                                              TÜRKÇE