DUDBUT'K'A

UT'U MİKA - İST'ORİULİ ROMANİ

2004 3’anas Okorturas na gamiçkvinu Giorgi Siç’inavaş ist’oriuli romani "Ut'u Mika" dido beciti ar svara ren. Romanişi tema 1855-1856 3’anapes na iq’u Samargaloşi ink’ilabi ren.

Na giçkinan steri feodaluri orapes oput’arepe dido p’at’işi skidut’es. Entepes 3xovarepe steri mancepe uqonut’es do em mancepek Margalepes k’ap’etişi on3’orinapt’es: k’ulanepe do oxorcalepe go3’umert’es do carie mutepeşi 3’opxupt’es, mteli 3’anaş oç’k’omale go3’uğapt’es do entepe mşkorineri dit’alept’es, majurani ar feodalişi ocaxişa var na ar oput’es mskva ar sifterişa var nati mskva ar coğorişa oktirapt’es. Amuşeni Margalepek arçkva var nixondines do 1855 3’anas 3’alencixuri mç’k’adu Ut’u Mikaş go3’ancğonorobaten oxoşkva mutepeşi şeni ant’ifeodaluri ink’ilabi qverenan.

Andğa mtelis eşo açkinen ki, aya ink’ilabi arxvala so3ialuri sebebepeten iqvu ya do. Mara ak k’ap’et’i do beciti ar çkva sebebiti kort’eren: Margaloba do Margaluri nena mutepeşi. Feodalepe çkar Margaluri var ğarğalapt’es do am mskva do pukiri steri nenas “coğorepeşi nenas” ucoxupt’es. Ma ar nok’vates komoviqonop svaraşen: "Eya (Çangelia) Margali ren do boro rt’asunon. Emus var uçkin solen mulun do so ulun. Begi 3’opxeri oput’arepek saxrapeş nenaten oğarğalu var ik’ardepan. Oput’arepe ocoxu şeni arxvala 3xovarepeşa na itkven ar jur nenape amet’enan: "xi" do "ore"; "eşo" do "aşo"... Oput’ari do Margalik ark’aeli oxo3’onapuş nenape diqu. Emus (Margalis) mutu gonoşine var uğun golaxtimeri ora muşi şeni. Emus var ti açkinen ki, muk dido mcveşi do ğirsoni xalxişi – K’olxepeşi mota na ren. Am gonoşine emus let’as duxves."(xasila 36).

Giorgi Siç’inavak 5 3’anas arkivepes ixandu, 3’alencixaş oput’epes goxtu do ekonuri badepeşen yopşa mat’erialepe dolo3’aru. Amuşk’ule inç’aru am romani, so na Giorgi Siç’inavak ink’ilabiş art-arti beciti sebebi şeni dido ondepe zop’ons.

2004 3’anaş am t’rilogiaş maartani nok’vate gamaxtu. Majuranepe a3’i “Egrisi” na coxons gamamçkumalobaşa meçameri ren do çkinti entepeşi gamaxtimu pçumert.



                                                                                                                                                              TÜRKÇE