|
T'K'EBİŞİ ZABUNOBA EGZEMA
Egzema, t’k’ebis omç’itanu, obaru, vezik’ulerepe, onçaminu steri nişanepete na iz’iren psikosomat’iuri sebeboni do irişen dido na muixvadinen t’k’ebişi zabunoba ren. İrişen beciti xususoba muşi mç’itaneri t’k’ebiş jin na yeçkindun cgubepe ren. T’k’ebi it’u3anen, dido inçaminen do onçaminuk t’k’ebi otahribups do infek’sioni oğoduşa nusebebups. Egzema nak’limoni zabunoba va ren. Egzema t’k’ebişi oiltihabu şeni na ixmarinen t’ermini “dermatiti” yadoti içkinen.
Egzemaşi nobetis na nuğinz’ibups fakt’orepeşi şkas, gidapeşa xususi alerji, dido çkva ot’u3anu, majuranuri infek’sionepe, t’k’ebis mesveri mont’k’ori, k’at’u do coğorişi bundğa, sap’oni, det’erjani, oxorişi tozepe do p’oleni ren. Egzema, uvaxtoni na niçinen ar ç’amişi sebebişenti yeçkindun. Oxorcalepes na iz’iren egzemaşi sebebi, dolokunuş 3’k’aris na iqven p’ot’asiumi bik’romat’i, çkvadoçkva dolokunuş 3’k’ari do lastik’i xet’at’i iqopen. İrişen dido na iz’iren temasişi egzemapeşen ar teri kozmet’ik’apeşen do tomaşi ğapişen iğoden. Omskvanuşi ç’amepek xususurot şuroni na renpe nunk’uşi uk’oro3xe egzemaşa sebebi iqvenan. İnfek’sionuri egzemapeşi cinci ren mik’rop’i varna mantari.
Egzema generalurot t’k’ebişi muayeneten iteşhisinen. Egzemas perpu şvela var uğun mara zabunobas nodgitu do zabunoba ok’au şeni oxvenuşi dido mutxani koren. Generaluri şvelak, uhisurapu noğiraps. Egzemaşi şvelas sum noğira uğun; t’k’ebi ok’au do saği noktinu, arşvaconi ot’u3anobapeş oçodinu do sempt’omepeş oşvelu. Şvelaşi temeli, sap’onişi maxsulepe, abanoşi yağepe do generaluri noğironi ot’enuşepe steri oteskinuri ç’amepe k’ala arşvaconi ot’u3anobapeşa nodgituşi st’eroidepeş oxmarinu ren. Oker3eluşi p’eriodis ihtioli do k’atrani ixmarinen. Lok’aluri na ixmarinen k’ortik’oidepek didi feide o3’irapan. Tomaloni k’orta varna mem3xvalapes loionepe, şu k’ortapes k’remepe, xomula k’ortapes merhemepe ixmarinen. Mara nunk’us fluoroni na va renanpe arxvala mk’ule orapes do dido ihtiatite oxmaru unon. Ant’ihist’aminik’epek, xususurot onçaminus dido feide meçaps. Generaluri k’ort’izonişi şvela monk’a zabunobapes ixvenen. Şvela meik’vataş k’ule didote zabunoba xolo yeçkindun.
|
TÜRKÇE
