DUDBUT'K'A

K'RONİURİ ZABUNOBA BEÇETİ

Zabunoba beçeti, p’icis do cinsuri burmes 3’k’unoni ulserepe, tolişi p’roblemepe do t’k’ebişi nişanepete na yeçkindun ar zabunoba ren. Zabunoba kianas nadiri iz’irennati Turkias umosi nadiri iz’iren. 1924 3’anas am zabunoba na otarifu Turki dermat’ologi Hulusi Behçetişi coxote zabunoba beçeti yado coxo geidvinu. Zabunobaşi sebebi mtelot var içkinennati otoimmuni ar zabunoba yado itarifinen. Otoimmuni zabunobapes naxondinuşi sist’emak xuraşi hucrepe k’ala k’abğas geoç’k’aps. Am xalişi sebebi mtelot var içkinennati zabunobaşi omordinus bakt’eri do virusişi infek’sionepeşi roliti iqopen.

Zabunoba beçeti k’arta 3’aneris iz’irennati irişen dido 20- 30-oni 3’anerepes yeçkindun. P’icişi 3’k’unoni ulserepe generalurot zabunobaşi maarta nişani ren do zabunepeşi %70-is iz’iren. Am nişanepeşi yeçkinduşen eveli zabunepes, qinişi geodvu do tosillit’i, adale do mem3xvalaşi 3’k’uni, ut’aketoba, uiştağoba do osap’aru, tişi 3’k’uni, xuraşi t’u3anobas çkvaneroba steri na itekraren nişanepeti koiz’iren. Ulserepe nenas, çarbis do ğvaşi doloxe yeçkindun. Generalurot 1- 2 doloni naqonen do baziti 3 dolonişakis var ik’aen. Cinsuri burmeşi ulserepe, tolişi dodginu, t’k’ebişi nişanepe zabunobaşi majura nişanepe ren. Umosi m3ika na iz’iren nişanepe ren, k’uç’i do ç’uşi sist’emaşi zabunobape (korbaşi 3’k’uni, korbaçxala, ontxoru), mem3xvalaşi 3’k’unepe do obaru, xuçeşi sist’emaşi p’roblemepe do cerğvişi hucre do golvaş sist’emaşi p’roblemepe.

Zabunoba beçeti k’roniuri zabunoba ren do derece muşi na iktiren steri ak’uti hecmepete manz’inen. Zabunobaşi ordoneri p’eriodis atak’epe umosi dido iqven do arjur doloni naqonops. Zabunobas manz’inaşi atak’epeşi şkas na golulun ora iginz’anen do namtini zabunepes atak’epe mtelot kodudgitun. Beçetişi zabunepeş %4 ğurun. Ğuraşi sebebi k’uç’i do ç’upeşi gamaxvu, xuçeşi sist’emaşi notesiru do cerğvepeş obaru steri ok’oxvobape ren.

Beçetişi zabunobas iri nişanepe artot var iz’iraşi oteşhisus niç’irinen. Egere p’icis do cinsuri burmes, toli do t’k’ebişi nişanepe renna umosi perpu iteşhisen. Zabunobaşi oteşhisu, 3’anas irişen ç’it’a sum fara p’icis na yeçkindun afti k’ala cinsuri burmes ulserepe, tolişi dodginu (Uveiti do retinas xasari), t’k’ebişi nişanepe, pozit’iuri pat’ergiaşi test’i steri krit’erepete ixvenen.

Beçetişi zabunobaş k’ati şvela var uğun. Temeluri noğira ren zabunobaşi nişanepeş oşvelu do k’omp’lik’asionepeş omordinuşa medginu. Beçetişi zabunoba dido organis na notesiraps ar zabunoba na ren şeni çkvaneri k’omp’et’anepeşen 3’opxeri ekip’iş k’elen ok’ont’rolu dvaç’irs.



                                                                                                                                                              TÜRKÇE